Johannes 3:13 - Dakota Wowapi Wakan Kin

¹³ Nahaḣin tuwedan maḣpiya kin ekta i śni, tuwe maḣpiya kin eciyatanhan kuntkiya u, qa hi kin he Wicaśta Cinhintku kin hee, nahaḣin nakun maḣpiya kin ekta yanka.

Johannes 3:13 ပူးပေါင်းရင်းမြစ်များ

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 13:3

Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 3:12

Taku maka kin detanhan ociciyakapi kin wicayadapi śni ehantanhan, maḣpiya kin ekta taku ociciyakapi kinhan hee token wicayadapi kta he.

Johannes 3:31

Tuwe wankan tanhan hi kin he taku owasin iwankam ounye. Tuwe maka etanhan hi kin he maka etanhan, qa maka kin iyecenya oie kiton. Tuwe maḣpiya kin eciyatanhan hi kin he taku owasin on iyotan.

Johannes 6:33

Aguyapi Wakantanka tawa kin he tuwe maḣpiya eciyatanhan kuntkiya u, qa oyate wiconi wicaqu kin hee.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Johannes 6:42

Qa heyapi; Jesus Joseph cinhintku qon he dee śni he, atkuku hunku ko sdoawicunyanpi ce: hecen token, Maḣpiya eciyatanhan wahi ce, eya okihi he.

Johannes 6:46

Tuwedan Ateyapi kin tohinni wanyake śni, tuwe Wakantanka etanhan u kin hecedan Atkuku wanhdaka.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Johannes 6:62

Wicaśta Cinhintku kin wankan un qon ake ekta kihde c̣a, wandakapi kinhan, tokeca kta he.

Johannes 8:42

Heon Jesus hewicakiya; Wakantanka he ateyayapi unkanś waśte mayadakapi kta tuka; miye kin Wakantanka kin hetanhan wahinape c̣a wau; qa miye cinka wahi śni, iye kin u maśi.

Olianyanpi kin 2:34

Dawid e qe maḣpiya ekta wankan iyaye śni, tuka kaken eya; Jehowa Itancan mitawa kin kaken eciya, Mietapa kin eciyatanhan iyotanka wo,

Olianyanpi kin 20:28

Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.

Roma 10:6

Tuka wacinyanpi eciyatanhan wicoowotanna un kin he kaken eya, Nicante kin mahen, Messiya kun ahi kte cin heon tuwe maḣpiya ekta wankan ye kta he;

I. Korinth 15:47

Wicaśta tokaheya kin he maka etanhan un, qa maka kin heca; Wicaśta iyokihe kin he Itancan maḣpiya eciyatanhan un kin hee.

Ephesos 1:23

He iye tancan kin hee, tuwe taku owasin on owasin ojuye cin woojudan kin hee.