Johannes 21:2 - Dakota Wowapi Wakan Kin

² Simon Inyan, qa Thomas Didumos eciyapi, qa Nathanael, Kana Galile makoce kin hetanhan, qa Zehedee cinhintku napin, qa waonspewicakiye cin tokeca nonpa, hena witayapi etu.

Johannes 21:2 ပူးပေါင်းရင်းမြစ်များ

Mattheos 10:3

Philip qa Bartholomew; Thomas qa Mattheos wamnaye ciqon; Jakob Alpheus cinhintku qa Lebbeus he nakun Thaddeus eciyapi;

Markos 1:19

Unkan hetanhan kitan ecinyan iyoopta ye c̣a, Jakob Zebede cinhintku, nakun sunkaku Johannes eciyapi, wanwicayaka; hena wata ohna ho kin piyapi.

Lukas 5:10

Unkan Jakob qa Johannes Zebede cinhintku kin hena oza, Simon tawaśitkuwicaya, iś eya inihanpi. Unkan Jesus Simon heciya; Wikope śni wo, detanhan wicaśta kin wicaduze kta ce.

Johannes 1:45

Philip Nathanael akipa, qa heciya; Moses woope en owa qon, qa wicaśta wokcanpi kin nakun, he wanna iyeunyanpi, Jesus Nazareth etanhan, Joseph cinhintku kin hee.

Johannes 11:16

Hehan Thomas Didumos eciyapi kin he waonspewicakiye unmapi kin hewicakiya; Ekta unyanpi, qa kiei unṭapi kta ce.

Johannes 2:1

Anpetu iciyamni kin hehan Galile makoce en otonwe wan Kana eciyapi hen kiciyuzapi omniciye kagapi; unkan Jesus hunku kin en opa.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 20:28

Unkan Thomas ayupte c̣a heciya; Itancan mitawa, qa Wakantanka mitawa.

Johannes 4:46

Unkan Galile en Kana otonwe kin, mini ikceka miniśa icaḣye ciqon he ake en hdi. Unkan Kapernaum ekta wicaśta itancan wanji cinhintku wayazanka: