Johannes 2:23 - Dakota Wowapi Wakan Kin

²³ Unkan Jerusalem en woacakśin wośnapi kin icunhan, taku wapetokeca econ kin hena wicota wanyakapi qehan iye caje kin on wicadapi.

Johannes 2:23 ပူးပေါင်းရင်းမြစ်များ

Lukas 8:13

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Johannes 11:45

Hehan Juda wicaśta Mary kici ipi qon, hena Jesus taku econ kin he wanyakapi, unkan wicota wicadapi.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 2:13

Unkan Juda oyate woacakśin wośnapi tawapi kin wanna ikiyedan; heon Jesus Jerusalem ekta itanwankanhde iyaya.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 4:45

Unkan Galile ekta ki, hehan Galile wicaśta kin iyowinkiyapi, Jerusalem ekta wośnapi kin icunhan taku econ qon owasin wanyakapi kin heon etanhan; iś eya wośnapi kin ekta ipi nakaeś.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 6:2

Unkan oyate ota ihakam yapi, wicaśta wayazanpika en wapetogya oḣanyan wanyakapi qon heon etanhan.

Johannes 7:31

Unkan oyate kin etanhan wicota he iye kin wicadapi qa heyapi; Tohan Messiya hi kinhan, de taku wapetogya econ kin, he sam iyeya hecon kta he, eyapi.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

I. Johannes 3:23

Unkan tawoahope kin he dee, Iye Cinhintku Jesus Messiya caje kin wacinunyanpi, qa otoiyohi waśteunkicidapi kta, econ unśipi qon iyececa.