Johannes 2:22 - Dakota Wowapi Wakan Kin

²² Heon wiconṭe etanhan ihduekicetu, hehan hecen ewicakiye ciqon he waonspewicakiye cin kiksuyapi; unkan wowapi wakan qa Jesus taku ewicakiye cin hena koya wicadapi.

Johannes 2:22 ပူးပေါင်းရင်းမြစ်များ

Lukas 24:26

Messiya dena decekcen ito kakije c̣a wowitan tawa kin en hde kte cin he hecetu śni he.

Lukas 24:44

Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Johannes 12:16

Dena taku kin tokaheya waonspewicakiye cin okaḣnigapi śni; tuka Jesus yutanpi hehan hena hecen wowapi en kagapi qon, qa nakun hena ecen ecaki conpi kin, hehan kiksuyapi.

Johannes 14:26

Tuka Wicakicanpte, Woniya Wakan kin hee, Atewaye cin micaje on uśi kte cin he, taku owasin onspeniciyapi kta, qa taku eciciyapi kin owasin kiksuyeniciyapi kta.

Johannes 16:4

Tuka dena ociciyakapi, hecen tohan iyehantu kinhan, dena wanna eciciyapi kin he yeksuyapi kta. Qa dena otokahe ekta eciciyapi śni, hinyaḣin cicipi waun kin heon etanhan.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 2:17

Unkan waonspewicakiye cin wowapi en kagapi qon he kiksuyapi, Yati owakiye cin he mayapota ce.

Johannes 2:2

Jesus nakun waonspewicakiye cin om kiciyuzapi kin en kicopi.

Olianyanpi kin 11:16

Hehan Itancan oie qon weksuya; Awicakehan Johannes mini on baptem wicaqu, tuka niyepi kin Woniya Wakan on baptem nic̣upi kta ce eye ciqon he.

Olianyanpi kin 13:33

He cincawicayapi unkiyepi kin en, Wakantanka ecetukiya, Jesus piya icaḣkiye cin hee on; hecen odowan icinonpa kin en kaken owapi qon, Micinkśi kin he niye, anpe dehan cinca cicaga ce.