Johannes 2:16 - Dakota Wowapi Wakan Kin

¹⁶ Qa wakiyedan wiyopeyapi kin iś, Dena owasin tankan iyeya po, qa, Ate ti kin de wopeton tipi kagapi śni po, ewicakiya.

Johannes 2:16 ပူးပေါင်းရင်းမြစ်များ

Mattheos 21:12

Unkan Jesus tipi wakan Wakantanka tawa kin en i, qa tipi wakan ohna wiyopeyapi ece, wopetonpi ko, hena tankan iyewicaya; qa mazaska tokiyopeyapi ahna econpi kin hena yuahdapśinyan eḣpeya, tona wakiyedan wiyopeyapi oiyotanke tawapi koya;

Mattheos 21:13

Qa hewicakiya; Tipi mitawa kin he wocekiye tipi eciyapi kta, eya wowapi en kagapi; tuka niye wamanon tipi yakagapi.

Mattheos 22:5

Tuka iḣaḣapi qa toki iyayapi; wanji tamaga ekta iyaye c̣a, wanji iś mazopiye tawa ekta iyaya.

Markos 11:17

Unkan wowicakiyake c̣a hewicakiya; Wati kin ne oyate owasin on wocekiye tipi eciyapi kta ce, eya wowapi en kagapi śni he; tuka niye wamanon sa otipi kin yakagapi ce.

Lukas 2:49

Unkan hewicakiya; Tokeca omayadepi he: Atewaye cin wicoḣan tawa kin he ito owecipe kta kecannipi śni he.

Johannes 10:29

Ate hena maqu kin he taku owasin sam iyeya tanka; qa Ate nape kin etanhan tuwedan wicayuśpa okihi śni.

Johannes 2:15

Qa icapsinte cikciqadan yugaga wan kage c̣ehan, tipi wakan kin etanhan owasin tankan iyewicaya, taḣinca tatanka ko; qa mazaska tokiyopekiciyapi qon iś kada iyeya, qa can wahna wotapi kin he nakun paahdapśinyan eḣpeya.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Johannes 5:17

Unkan, Ate nahaḣin ḣtani he etanhan miśeya ḣtawani, Jesus ewicakiya.

Johannes 8:49

Jesus ayupte; Wakanśica mayuhnaśkinye śni; tuka Ate wahduwitan, qa niye wowiśtenmayayapi.

I. Timotheos 6:5

Qa wicaśta tawacin śicapi kin ośkiśkeya hdokinicapi, wowicake yuhapi śni, qa taku kamnanpi kinhan, he Wakantanka ohndapi kin ee kecinpi. Tona hececapi kin hena awicayuśtan wo.

II. Inyan 2:3

Qa waicu wacinpi kin eciyatanhan wicoie skuyn on wiyopeniyanpi kta; hena e wicayacopi kin wanakajatanhan en awicau, qa ihangwicayapi kte cin he ḣba śni.