Johannes 2:11 - Dakota Wowapi Wakan Kin

¹¹ Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 2:11 ပူးပေါင်းရင်းမြစ်များ

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:17

Woope kin he Moses wicaqu; tuka wicowaśte wowicake ko hena Jesus Messiya eciyatanhan u.

Johannes 1:43

Ihanḣanna kin hehan Jesus Galile heciya ya, unkan Philip wanyake c̣a heciya; Mihakam u wo.

Johannes 1:50

Unkan Jesus ayupte c̣a heciya; Can ihukuya nayajin wanciyaka epa, unkan heon wicayada he. Dena taku isanpa tanka wandake kta ce.

Johannes 10:41

Unkan wicota en hipi qa heyapi; Johannes takudan wapetogya ecen econ śni, tuka Johannes wicaśta kin de etanhan tona oyake cin owasin wowicake.

Johannes 11:15

Qa he icunhan hen waun śni kin heon niyepi en wimduśkin, hecen on wicayadapi kta. Ho po, ekta unyanpi kta.

Johannes 11:47

Hehan wośna kagapi Pharisee ko mniciyapi qa, Token econkupi he; wicaśta kin de taku wapetokeca ota econ kin, eyapi.

Johannes 12:18

Qa heon oyate kin itkokipapi, taku wapetokeca tanka kin de econ naḣonpi kin heon.

Johannes 12:37

Taku wapetokeca ota econ, qa wanyagwicaya, tuka wicadapi śni.

Johannes 12:41

Towitan kin he Isaya wanyake ciqon he ehan hena hecen ekiciya.

Johannes 14:13

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

Johannes 16:27

Ate iye atayedan waśte nidapika, waśte mayadapike c̣a Wakantanka eciyatanhan wahi kin he wicayadapi kin heon.

Johannes 16:30

Taku owasin sdonyaye c̣a, tuwe winiwange kta iyecece śni yaun e wanna sdonunyanpi; heon etanhan Wakantanka eciyatanhan yahi kin he wicaundapi, eyapi.

Johannes 2:1

Anpetu iciyamni kin hehan Galile makoce en otonwe wan Kana eciyapi hen kiciyuzapi omniciye kagapi; unkan Jesus hunku kin en opa.

Johannes 2:23

Unkan Jerusalem en woacakśin wośnapi kin icunhan, taku wapetokeca econ kin hena wicota wanyakapi qehan iye caje kin on wicadapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 4:3

Hehan Juda makoce kin ayuśtan, qa Galile heciya ake ekta hda.

Johannes 4:46

Unkan Galile en Kana otonwe kin, mini ikceka miniśa icaḣye ciqon he ake en hdi. Unkan Kapernaum ekta wicaśta itancan wanji cinhintku wayazanka:

Johannes 4:54

Jesus Juda makoce etanhan Galile icicawin en hdi, wowapetokeca econ kin icinonpa kin he dee

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 6:2

Unkan oyate ota ihakam yapi, wicaśta wayazanpika en wapetogya oḣanyan wanyakapi qon heon etanhan.

Johannes 6:26

Jesus awicayupte c̣a heya; Wowicake, wowicake eciyatanhan heciciyapi, Omayadepi kin he taku wapetokeca wandakapi kin heon hecanonpi śni, aguyapi imnahan yatapi qon e heon.

Johannes 6:30

Heon etanhan heciyapi; Taku wapetokeca ecanon kin tukte e heon, wanunyakapi qa wicaunnidapi kta; taku yakaga he.

Johannes 7:31

Unkan oyate kin etanhan wicota he iye kin wicadapi qa heyapi; Tohan Messiya hi kinhan, de taku wapetogya econ kin, he sam iyeya hecon kta he, eyapi.

Johannes 9:16

Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.

II. Korinth 3:18

Tuka unkiye owasin itohnake kin en takudan unkaḣpapi śni, ihdiyomdasin en wawanyakapi kin iyecen Itancan towitan kin wauunyakapi, qa iye ouncage kin iyecen unkagapi, wowitan sanpa wowitan kin en, Itancan Taniya kin on etanhan iyececa.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

I. Johannes 5:13

Wakantanka Cinhintku caje kin wacinyayapi kin dena wowapi cicagapi kin; wiconi owihanke wanica duhapi e sdonyakiyapi kta, qa Wakantanka Cinhintku caje kin wacinyayapi kta e heon.