Johannes 19:4 - Dakota Wowapi Wakan Kin

⁴ Pilate ake tankan inanpe c̣a, Iho, wicaśta kin dee e tankan cicaupi, hecen on taku śica takudan en iyewaye śni e sdonyayapi kta, ewicakiya.

Johannes 19:4 ပူးပေါင်းရင်းမြစ်များ

Mattheos 27:19

Unkan woyaco oiyotanke kin akan kiyotanka hehan tawicu kin tuwe en uśi, qa heciya; Wicaśta owotanna kin he takudan ecakicon śni we, on anpetu kin de wiwahamna en nina mayuśinyaya ce.

Mattheos 27:24

Hecen Pilate takudan okihi śni, qa nina owodutaton icaga he wanyaka, hehan mini icu, qa wicota wicitokam nape hdujaja, qa heya; Wicaśta owotanna kin de we kin miye en amaupi kte śni; niye ito wanyaka po.

Mattheos 27:4

Qa heya; Wawaḣtani, wicawe taku iyaonpepica śni kin wiyopewaya ce. Unkan heyapi; He etanhan unkitokecapi śni; he niś niye.

Mattheos 27:54

Unkan akicita tancan qa tona om Jesus awanyake cin hena maka kin śkanśkan qa taku econpi ko wanyakapi qehan, nina yuśinyayapi, qa, Awicakehan Wakantanka Cinhintku kin he dee tuka ce, eyapi.

Lukas 23:4

Hehan Pilate wawayuśna itancanpi qa oyate kin hena hewicakiya; Wicaśta kin de on taku śica iyewaye śni ce.

Lukas 23:41

Qa unkiye kin en he owotanna; taku econku eciyatanhan unkakipa ece; tuka iye qe taku śica takudan econ śni ce.

Lukas 23:47

Unkan akicita opawinge wicayuhe cin he token econpi qon he wanyake c̣ehan, Wakantanka yaonihan, qa heya; Awicakehan wicaśta owotanna he de heca ce.

Johannes 18:33

Hehan woyaco tipi timahen Pilate kihde c̣a, Jesus en au wicakiye c̣a, Juda oyate wicaśtayatapi qon he niye he, eciya.

Johannes 18:38

Wowicake kin he taku he, Palate eciya. Hena hecen oie ya, unkan Pilate tankata inanpe c̣a, Juda oyate en wicaye c̣a, Wicaśta kin he taku śica econ takudan iyewaye śni, ewicakiya.

Johannes 19:6

Unkan wośna kagapi tankapi qa akicita tancanpi kin, he wanyag iheyapi hehan, panyehan heyapi, Icipaweḣ okatan wo, icipaweḣ okatan wo. Niśnana icupi qa icipaweḣ okatan po, miye qe taku śica econ takudan iyewaye śni, Pilate ewicakiya.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Hebrew 7:26

Wawayuśna Itancan kin hececa he iyounkipipi, wakan, iyaonpepica śni, waaśape śni, qa waḣtanipi sa wicicunonpa un, qa maḣpiya kin sanpa wankantuya icaḣyapi.

I. Inyan 1:19

Tuka Messiya we teḣike cin he on, taḣin wanunyanpi cincadan, taku iyaonpepica śni qa ecedan un kin iyececa.

I. Inyan 2:22

Iye qe woaḣtani takudan econ śni, qa i kin ohna wohnaye takudan iyeyapi śni;

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Johannes 3:5

Unkan iye ihdutanin qon, waunḣtanipi kin yutokan iyeye kta e heon, he sdonyayapi; qa iye kin woaḣtani takudan en un śni.