Johannes 18:8 - Dakota Wowapi Wakan Kin

⁸ Jesus waayupte; He miye ce, eciciyapi qon; hecen miye e omayadepi hecinhan dena ito kihdapi kta.

Johannes 18:8 ပူးပေါင်းရင်းမြစ်များ

Mattheos 26:56

Tuka dena owasin econpi, wicaśta wokcan taku owapi qon he yuecetupi kta heon. Hehan waonspewicakiye cin owasin eḣpeyapi qa najicapi.

Johannes 10:28

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 13:36

Itancan, tokiya de kta he, Simon Inyan eciya. Jesus ayupte; Tokiya mde cin ekta de kta eśta nakaha oyakihi kte śni, tuka ihakamya mihektam yau kta, eya.

Johannes 16:32

Anpetu wan u kta qa wanna hiyohi, enanakiya otoiyohi yahdapi kta, qa miśnana eḣpemayayapi kta; tuka nakun miśnana waun śni, Atewaye cin he mici un.

Johannes 18:7

Heon etanhan ake wiwicawanga; Tuwe ayakitapi he, eya. Unkan, Jesus Nazareth etanhan, eyapi.

Johannes 18:9

Wicoie wan eye ciqon he iyecetu kta, Tona mayaqu kin wanjidan eḣpewakiye śni ce.

I. Korinth 10:13

Wowiyutanyan wan wicaśta sdonyapi śni ece kin en uniupi śni. Wakantanka wacinyepica, hecen wawoyakihipi kin isanpa iyutanniyanpi kta iyowinye kte śni, tuka wowiyutanyan kin he enakiye kta, hecen oyakihipi kta.

II. Korinth 12:9

Hehan, Mitowaonśida kin iyonihi kta, qa mitowaśake kin he wowaśake śni kin en hduśtanpi ce, emakiya. Hecen Messiya towaśake kin miye en miciun kte cin, heon makakije cin on iyuśkinyan imawinkta kta.

Ephesos 5:25

Wicaśta, winoḣinca nitawapi kin cantewicakiya po, Messiya okodakiciye kin waśte kidake c̣a, on iye ic̣ic̣u kin he iyecen;

I. Inyan 5:7

Wacin akipam duzapi kin owasin iye en aiḣpeya po; iye qe awanicinpi ece.