Johannes 18:4 - Dakota Wowapi Wakan Kin

⁴ Jesus taku hiyahde kte cin owasin sdonkiya, itkowicakipe ca, Tuwe e oyadepi he, ewicakiya.

Johannes 18:4 ပူးပေါင်းရင်းမြစ်များ

Mattheos 16:21

Hetanhan Jesus waonspewicakiye cin wowicakiyaka, Jerusalem ekta ye kta iyececa, qa wicaḣincapi, wośnapi kagapi, wowapi kagapi ko on taku ota kakije kta, qa ktepi kta, qa anpetu iciyamni hehan ake kini kta, hena owicakiyaka.

Mattheos 26:2

Anpetu nom iyohakam woacakśin kin hehantu kta sdonyayapi; hehan Wicaśta Cinhintku kin icipaweḣ okatanpi kta e wicaqupi kta.

Mattheos 26:21

Qa wotapi icunhan heya; Niyepi etanhan wanji wiyopemayayapi kta, awicakehan eciciyapi ce.

Mattheos 26:31

Hehan Jesus hewicakiya; Hanyetu kin de niyepi owasin eḣpemayayapi kta. Kaken wowapi en kagapi; Waawanhdake kin he awape kta, unkan hetanhan taḣinca wanunyanpi optaye kin enanakiya iyayapi kta.

Lukas 24:44

Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 13:11

Tuwe wiyopeye kte cin he sdonya, heon etanhan, owasin niskapi śni ce, eya.

Johannes 18:5

Jesus Nazareth etanhan, eya ayuptapi. Unkan Jesus, He miye ce, eya. Unkan Judas he wiyopeye ciqon ee en opa.

Johannes 18:7

Heon etanhan ake wiwicawanga; Tuwe ayakitapi he, eya. Unkan, Jesus Nazareth etanhan, eyapi.

Johannes 19:28

Wanna taku kin owasin ecetu Jesus wanyaka, qa wowapi en kagapi qon iyecetu kta e heon, Imapuza ce, eya.

Johannes 6:64

Tuka wanjikji he wicayadapi śni. Otokahe ekta tanhan tona wicadapi kte śni, qa nakun tuwe wiyopeye kte cin hena Jesus sdonya.

Olianyanpi kin 2:28

Wiconi canku kin sdonye mayaye kta; qa niite kin etanhan wowtyuśkin on imnamayaye kta.

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan: