Johannes 17:9 - Dakota Wowapi Wakan Kin

⁹ Hena on wocekiye ewicaweciya, maka akan wicaśta kin hena on wocekiye eciciye śni, tuka tona mayaqu kin hena on wocekiye eciciye, hena nitawa kin he etanhan.

Johannes 17:9 ပူးပေါင်းရင်းမြစ်များ

Lukas 22:32

Tuka wacinyaye cin he iyotpani kte śni e wocekiye eciciya; qa tohan niś niyuhomnipi kinhan, nihunkawanji wicahduwaśaka wo, eya.

Lukas 23:34

Hehan Jesus heya; Ate, wicakicicajuju wo; taku tokonpi kin sdonkiyapi śni ce. Unkan tawokoyake kin kicipamnipi, qa oeconna econpi.

Lukas 8:34

Unkan taku econpi kin he kukuśe wo wicaqupi qon wanyakapi qehan, nakipapi, qa otonwe qa makoce kin ekta ohdag kipi.

Johannes 14:16

Hehan Ate cewakiye kta, unkan wicakicanpte wan tokeca ntc̣upi kta, he owihanke wanin nicipi un kta.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 17:20

Qa denana on wocekiye ewicaweciye śni, nakun tona wicoie oyakapi eciyatanhan wicamadapi kin hena keya.

Johannes 17:6

Oyate kin den wicaśta tona mayaqu kin hena en nicaje mdaotanin; hena nitawa, tuka hena mayaqu; unkan hena nioie qon niciyuhapi.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Johannes 6:39

Atewaya u maśi kin he tawacin kin he dee, tona maqu kin wanjidan toki eḣpewaye śni, ecen anpetu ihankeya kin piya icaḣwaye kta.

Hebrew 7:25

Qa hecen tona iye eciyatanhan Wakantanka en upi kin hena owasin niwicaye kta okihi, hena wocekiye ewicakiciye kta e ohinniyan ni un kin heon.

Hebrew 9:24

Messiya tipi wakan nape on kagapi kin he mahen i śni, tipi wakan ḣinca iyacinpi kin hena ee; tuka maḣpiya kin e qe mahen, qa heciya unkiyepi on Wakantanka itokam ihdutanin kta.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.