Johannes 17:6 - Dakota Wowapi Wakan Kin

⁶ Oyate kin den wicaśta tona mayaqu kin hena en nicaje mdaotanin; hena nitawa, tuka hena mayaqu; unkan hena nioie qon niciyuhapi.

Johannes 17:6 ပူးပေါင်းရင်းမြစ်များ

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 12:28

Ate nicaje kin hdutan wo. Unkan maḣpiya kin eciyatanhan wicaho wan u qa; Wanna eya micaje kin wahdutan, nakun wahdutan kta, eya.

Johannes 15:19

Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

Johannes 15:3

Eya wanna niskapi, wicoie oeiciyakapi kin heon.

Johannes 15:7

Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

Johannes 17:12

Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin eḣpekiyapi śni, wicaśta wayutakuni śni cinhintku kin hecedan eḣpekiyapi, hecen wowapi en un qon wanna iyecetu.

Johannes 17:14

Nioie wicawaqu, qa oyate kin śice wicadapika, oyate kin hetanhanpi śni heon etanhan hececa, oyate dematanhan śni he iyecen.

Johannes 17:16

Oyate kin de ematanhan śni kin he iyecen iś oyate kin de etanhanpi śni.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Johannes 17:26

Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waśtemayakida qon he dena en un kta, qa miś nakun owicawape kta.

Johannes 17:7

Taku mayaqu kin owasin he niye etanhan u, wanna sdonyapi.

Johannes 18:9

Wicoie wan eye ciqon he iyecetu kta, Tona mayaqu kin wanjidan eḣpewakiye śni ce.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Johannes 6:39

Atewaya u maśi kin he tawacin kin he dee, tona maqu kin wanjidan toki eḣpewaye śni, ecen anpetu ihankeya kin piya icaḣwaye kta.

Johannes 8:51

Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Olianyanpi kin 13:48

Unkan Ikcewicaśtakin, hena oie kin naḣonpi qehan, nina iyuśkinpi, qa Itancan oie kin yatanpi. Unkan tona owihanke wanin wiconi yuhapi kta e wicakaḣnigapi qon hena wicadapi.

Roma 11:2

Wakantanka taoyate kin tona otokaheya tanhan sdonwicakiye ciqon hena eḣpewicakiye śni. Wowapi wakan Elijah on token eye cin sdonyayapi śni he; Wakantanka cekiye c̣a, Israel oyate kin cajeyata qa heya;

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Kolosse 3:16

Messiya oie kin wijinya en niunpi nunwe; woksape owasin on, Psalm, qa odowan, qa wakan dowanpi kin en, otoiyohi wahokonyeciciyapi, qa onspeyeciciyapi kta, qa nicantepi kin en wowaonśida yuha Itancan kin iyadowanpi kta.

II. Timotheos 1:13

Wicoie on zaniyan unpi naḣonciye ciqon, wowacinye, wowaśte ko, Jesus Messiya en un kin he ṭinsa yuza wo.

Hebrew 2:12

Qa hecen eya, Nicaje kin mihunkawanji owicawakiyake kta, qa okodakiciye kin cokata icidowan kta ce.

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.

I. Inyan 1:1

Inyan, Jesus Messiya yeśi qon, wicaśta toktokeca enanakiya unpi, Pontus, Galatia, Kappadokia, Asia qa Bithunia ekta,

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

Wayuotanin 2:13

Nioḣan kin sdonwaya, qa tukten Satan oiyotanke tawa yanke cin hen yati; qa micaje in yuha yaun, qa wacinmayanpi kin aduśtan śni, anpetu kin Antipas waayatanin wicaka mitawa kin niyepi kin en, tukten Satan ti kin, hen ktepi qon he ehan.

Wayuotanin 3:10

Woape oie mitawa kin he awandake cin, heon tohan taku wawiyutanyan un kin tona maka owancaya unpi kin iyutanwicaye kta u kinhan, hehan awanciyake kta.

Wayuotanin 3:8

Nioḣan kin sdonwaya, tiyopa wan yuḣdokapi ecen he cin he nitokam ewahde, qa tuwedan ecen iyeya okihi śni; wowaśake cistinna duhe c̣a mioie kin yuha yaun, qa micaje kin eḣpemayaye śni.