Johannes 17:4 - Dakota Wowapi Wakan Kin

⁴ Maka kin akan ciyutan; qa wicokicanye mayaqu qon wanna owasin wahduśtan.

Johannes 17:4 ပူးပေါင်းရင်းမြစ်များ

Lukas 22:37

Taku wowapi en kagapi qon, Wicoḣan śica econpi kin om yawapi ce, eyapi kin he miye en yuecetupi kta, eciciyapi: Unkan dena miye on ecen econpi kta ce.

Johannes 12:28

Ate nicaje kin hdutan wo. Unkan maḣpiya kin eciyatanhan wicaho wan u qa; Wanna eya micaje kin wahdutan, nakun wahdutan kta, eya.

Johannes 14:13

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

Johannes 14:31

Tuka Atewaye cin waśtewakida; qa Ate taka emakiye cin owasin ecen ecamon ece, he oyate kin sdonyapi kta. Najin po, detanhan icunonpa unyanpi kta.

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Johannes 19:28

Wanna taku kin owasin ecetu Jesus wanyaka, qa wowapi en kagapi qon iyecetu kta e heon, Imapuza ce, eya.

Johannes 19:30

Unkan Jesus mini śkumna icu qehan, Wanna yuśtanpi ce, eya; hehan pa makata iyeye c̣a taniya kin hiyuya.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 9:3

Jesus waaynpte; He iye, qa atkuku, hunku, wanji waḣtanipi on hecece śni; tuka Wakantanka oḣan kin e he ayutaninpi kta e heon.

Olianyanpi kin 20:24

Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.

II. Timotheos 4:7

Okicize waśte kin ecamon, woinyanke kin ihuniwakiya, wacinyanpi kin he hduha waun;