Johannes 17:3 - Dakota Wowapi Wakan Kin

³ Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:3 ပူးပေါင်းရင်းမြစ်များ

Markos 9:37

Tuwe hokśiyoqopa dececa wanji, micaje on tin hiyuye cinhan, miye tin hiyumayan ece; qa tuwe tin hiyumaye cin he miye śni, tuka tuwe u maśi kin he tin hiyuya ece.

Lukas 9:48

Qa hewicakiya; Tuwe kaśta hokśiyopa kin de micaje on eyaku kinhan, he miye e emayaku; qa tuwe kaśta miye emayaku kinhan, he umaśi kin hee eyaku ece; hecen niyepi owaśin wanji tukte nicistinpidan kinhan, hee tanka kta ce, eya.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 11:42

Qa ohinniyan namayaḣon kin he sdonwakiya; tuka wicaśta hnakapi kin de en mitan okśan najinpi kin de on, he niye u mayaśi kin wicadapi kta e on hepe.

Johannes 14:26

Tuka Wicakicanpte, Woniya Wakan kin hee, Atewaye cin micaje on uśi kte cin he, taku owasin onspeniciyapi kta, qa taku eciciyapi kin owasin kiksuyeniciyapi kta.

Johannes 17:18

Oyate kin deci u mayeśi qon, he iyecen iś oyate kin ecen ye wicawaśi.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Johannes 17:23

Miś wicakici waun, qa niś mici yaun, hecen wanjidan en wicayuśtanpi kta; qa hecen niye umayaśi kin he oyate kin sdonyapi kta; qa waśtemayakida kin he iyecen waśtewicawakida ece.

Johannes 17:25

Ate owotanna, oyate kin sdonniyanpi śni ye, tuka miye sdonciye ciqon, qa dena iś niye e u mayaśi kin he sdonyapi.

Johannes 17:8

Nioie mayaqu qon he wanna wicawaqu; unkan ieupi, qa niye eciyatanhan wahi kin he tanyan sdonyapi, qa niye e umayaśi kin he wicadapi.

Johannes 3:17

Wakantanka Cinhintku kin wicoicage kin en u śi kin, heon oyate kin wicayaco kta e hecon śni; tuka iye on oyate kin nipi kta e hecon.

Johannes 3:34

Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.

Johannes 5:44

Niye iyakitedan nitawootaninpi kin ayecitapi, qa Wakantanka eciyatanhan wootanin kin ayakitapi śni, he token on wicayadapi kta he.

Johannes 6:57

Ate u maśi kin he ni un, qa Ate on ni waun, he etanhan tuwe mayute cinhan miye on ni un kta.

Johannes 7:29

Tuka miye he sdonwakiya, he iye etanhan wahi, qa u maśi kin hee.

Johannes 8:19

Unkan, Niyate tukte e he, eciyapi. Jesus iś awicayupte, Sdonmayayapi śni, qa nakun Atewaye cin sdonyayapi śni: Miye kin sdonmayayapi unkanś, Ate iś nakun sdonyayapi kta tuka.

I. Korinth 15:34

Wicoḣan owotanna on ihduhicapi, qa waḣtanipi śni po. Wanjikji Wakantanka sdonyapi śni. Winiśtecapi kte cin heon hena hecen epe.

I. Korinth 8:4

Taku Wakagapi wakiyuśnapi kin yutapi kin he icaḣtake, wakagapi maka akan un kin he taku śni sdonunyanpi, qa Taku Wakan wanjidan, hecedan yukan.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Philippi 3:10

Hecen he iye sdonwaye kta, qa piya ikicage cin wowaśake kin, qa iye kakije cin okicipapi kin hena ko, iye ṭe cin ouncage kin en imacage kta:

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

I. Thessalonike 1:9

Hena e qe niye nicapi, qa niyepi ekta tukten canku kin ohna unkiyoḣpayapi kin he oyakapi, qa token wakagapi kin etanhan Wakantanka ekta nihduhomnipi, Wakantanka ni un qa wicake cin ohoyadapi kte cin heon:

II. Thessalonike 1:8

Peta ide kin en, tona Wakantanka sdonyapi śni, qa Jesus Messiya Itancan unkiyapi tawotanin waśte anagoptanpi śni kin hena wośitkihda wicaqu kta;

Hebrew 3:1

Heon, mihunkawanji wakan, maḣpiya tanhan wicakico kin en oyapapi kin, wounhdakapi kin on Jesus Messiya yeśipi qa Wawayuśna Itancan kin he awacin po.

II. Inyan 1:2

Wowaonśida, wookiye ko, Wakantanka sdonyapi kin en, qa Jesus Itancan unkiyapi kin on niciyuotapi nunwe.

II. Inyan 1:3

Iye towaśake wakan kin he taku on wiconi qa woohodapi kte cin owasin unqupi kin he iyececa, tuwe wowitan qa wookihi on unkicopi kin he sdonyapi kin eciyatanhan.

II. Inyan 1:8

Hena taku kin en niunpi qa niciyuotapi kinhan, Jesus Messiya Itancan unkiyapi sdonyapi kin en taku icaḣye c̣a waskuyeca aicage cin henicapi kta e nicagapi.

I. Johannes 1:2

Wiconi kin he ihdutanin; unkan Wiconi Owihanke Wanica Ateyapi kin kici un, qa unkiyepi kin en ihdutanin qon he wanunyakapi, qa unyaotaninpi qa unkoniciyakapi.

I. Johannes 1:3

Taku wanunyakapi qa naunḣonpi kin he unkoniciyakapi, hecen niye unyecicapi kta; unkan awicakehan Ateyapi kin kici okiciciya unyakonpi, qa nakun iye Cinhintku Jesus Messiya kici.

I. Johannes 2:23

Tuwe Cinhintkuyapi kin wicada śni kin he Ateyapi kin yuhe śni: tuka tuwe Cinhintkuyapi kin oyake cinhan, he Ateyapi kin nakun yuha ece.

I. Johannes 4:6

Unkiye Wakantanka unketanhanpi; tuwe Wakantanka sdonye cin he unkiye anaungoptanpi ece; qa tuwe Wakantanka eciyatanhan śni kin he anaungoptanpi śni. Deciyatanhan wowicake woniya qa wohnaye woniya kin napin sdonunyanpi.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.