Johannes 17:23 - Dakota Wowapi Wakan Kin

²³ Miś wicakici waun, qa niś mici yaun, hecen wanjidan en wicayuśtanpi kta; qa hecen niye umayaśi kin he oyate kin sdonyapi kta; qa waśtemayakida kin he iyecen waśtewicawakida ece.

Johannes 17:23 ပူးပေါင်းရင်းမြစ်များ

Johannes 10:38

Tuka hecen ecamon kinhan, miye wicamayadapi śni eśta, wicoḣan kin hena wicada po; hecen Atewaye cin micica, qa miye he weeica, heciyatanhan sdonyayapi qa wicayadapi kta ce, eya.

Johannes 13:35

Heon waonspeciciyapi yaunpi kin wicaśta owasin sdonyapi kta, otoiyohi waśteyecidapi kinhan.

Johannes 14:10

Atewaye cin he wecica qa Atewaye cin he micica kin he wicayada śni he. Wicoie eciciyapi kin dena miye cinka eciciyapi śni; Atewaye micica kin he wicoḣan kin hena iye econ.

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 15:9

Atewaye cin token waśte makida kin he iyecen waśte cicidapi; mitowaśte kin he kici un po.

Johannes 16:27

Ate iye atayedan waśte nidapika, waśte mayadapike c̣a Wakantanka eciyatanhan wahi kin he wicayadapi kin heon.

Johannes 17:11

Wanna oyate kin dematanhan śni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwanjidan qon iś iyecen wanjidan kta.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Johannes 17:26

Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waśtemayakida qon he dena en un kta, qa miś nakun owicawape kta.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:8

Nioie mayaqu qon he wanna wicawaqu; unkan ieupi, qa niye eciyatanhan wahi kin he tanyan sdonyapi, qa niye e umayaśi kin he wicadapi.

Johannes 3:17

Wakantanka Cinhintku kin wicoicage kin en u śi kin, heon oyate kin wicayaco kta e hecon śni; tuka iye on oyate kin nipi kta e hecon.

Johannes 6:56

Tuwe miceḣpi yute c̣a mawe yatke cin he mici un, qa miś kici waun.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Philippi 3:15

Heon tona unyuśtanpi kin hecen awauncinpi kta, qa taku on togye wacin duzapi hecinhan, he nakun Wakantanka oniciyakapi kta.

Kolosse 1:28

He unkiye unyaotaninpi, wicaśta kin owasin wahokonwicunkiyapi qa wicaśta owasin onspewicunkiyapi ece, woksape owasin on; hecen Jesus Messiya en wicaśta otoiyohi owotanna inajin wicunkiyapi kta.

Kolosse 2:2

Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.

Kolosse 3:14

Qa taku owasin akantanhan wocantekiye kic̣un po, he wicoowotanna iyakaśke cin ee.

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.

I. Johannes 1:3

Taku wanunyakapi qa naunḣonpi kin he unkoniciyakapi, hecen niye unyecicapi kta; unkan awicakehan Ateyapi kin kici okiciciya unyakonpi, qa nakun iye Cinhintku Jesus Messiya kici.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

I. Johannes 4:19

Iye tokaheya canteunkiyapi kin heon unkiye Wakantanka waśteundakapi.

Wayuotanin 3:9

Ito, Satan omniciye tawa kin etanhanpi Juda wicaśta keic̣iyapi, tuka hecapi śni, qa itonpi śni kin, hena iho, upi, qa nisiha kin itokam canpeśka makehde inajin wicawakiye kta, qa waśtecicida e sdonyapi kta.