Johannes 17:20 - Dakota Wowapi Wakan Kin

²⁰ Qa denana on wocekiye ewicaweciye śni, nakun tona wicoie oyakapi eciyatanhan wicamadapi kin hena keya.

Johannes 17:20 ပူးပေါင်းရင်းမြစ်များ

Olianyanpi kin 2:41

Unkan tona oie kin iyuśkinyan icupi kin hena baptem wicaqupi; hecen anpetu kin he en wicanagi kektopawinge yamni en opapi.

Olianyanpi kin 4:4

Tuka wicoie naḣonpi qon hena wicota wicadapi; unkan wicaśta kektopawinge zaptan ecetu.

Ephesos 4:11

Unkan apa yewicaśipi kin heca wicaqu, qa wicaśta wokcan wanjikji, qa wotanin waśte oyakapi kte cin wanjikji, qa waawanhdakapi waonspekiya ko wanjikji;

Roma 16:26

Tuka nakaha yuotaninpi, wicaśta wokcan tawowapi wakan kin heon, Wakantanka owi hanke wanin un, tawoahope kin eciyatanhan, qa oyate owasin wacinyan anagoptanpi kte cin heon oyakapi;

II. Timotheos 1:2

Timotheos, hokśincantkiyapi mitawa kin, wowapi cicaga. Wowaonśida, wowaśte, wookiye ko, Wakantanka Ateyapi kin etanhan, qa Jesus Messiya Itancan unkiyapi kin etanhan.

Johannes 10:16

Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 17:19

Qa iyepi on miye mihduwakan, hecen on wowicake eciyatanhan wicayuwakanpi kta.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.