Johannes 17:11 - Dakota Wowapi Wakan Kin

¹¹ Wanna oyate kin dematanhan śni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwanjidan qon iś iyecen wanjidan kta.

Johannes 17:11 ပူးပေါင်းရင်းမြစ်များ

Mattheos 10:16

Iho, taḣinca wanunyanpi śunktokeca wicehna iyecen yeciśipi; heon etanhan wamduśka iyecen ksapa po, qa wakiyedan iyecen waḣbapidan po.

Mattheos 5:48

Heon etanhan Niyatepi maḣpiya ekta un kin he owotanna ḣinca he iyecen niś eya owotanna ḣinca un po.

Mattheos 6:9

Heon etanhan kaken cekiya po; Ate unyanpi maḣpiya kin en; Nicaje wakandapi kte;

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 13:3

Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 14:20

Anpetu kin he en, Atewaye cin he wecica, qa niś miyecicapi, qa miś ocicipapi kin he sdohyayapi kta.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Johannes 17:23

Miś wicakici waun, qa niś mici yaun, hecen wanjidan en wicayuśtanpi kta; qa hecen niye umayaśi kin he oyate kin sdonyapi kta; qa waśtemayakida kin he iyecen waśtewicawakida ece.

Johannes 17:25

Ate owotanna, oyate kin sdonniyanpi śni ye, tuka miye sdonciye ciqon, qa dena iś niye e u mayaśi kin he sdonyapi.

Johannes 17:6

Oyate kin den wicaśta tona mayaqu kin hena en nicaje mdaotanin; hena nitawa, tuka hena mayaqu; unkan hena nioie qon niciyuhapi.

Johannes 7:33

Hehan Jesus hewicakiya; Ehake tokata cistiyedan ocipapi waun kta, hehan tuwe u maśi kinhan heciya wahde kta.

Olianyanpi kin 3:21

He qe maḣpiya kin ekta eyakupi kta, taku owasin ekicetuyapi kta anpetu kin hehanyan, Wakantanka maka icage cin hetanhan wicaśta wokcan wakan wicahduhe cin owasin i kin eciyatanhan oyake ciqon hee.

Roma 12:5

He iyecen unkiye unkotapi, tuka Messiya eh tancan unwanjipidan, qa otoiyohi huha unkiciyapi.

Roma 9:17

Wowapi wakan kin he Pharo heciya; He dee on etanhan icaḣciya, niye en mitowaśake kin wahduotanin kta, qa maka owancaya micaje kin oyakapi kte cin heon.

I. Korinth 1:10

Mihunkawanji, Jesus Messiya Itancan unkiyapi cajeyan ceciciyapi ce; owasin okonwanjidan oie yetonpi, qa yuomdecapi wanin yaunpi kta, qa wicotawacin eca wanjidan wiyukcanpi ko wanjidan tanyan onspe yaunpi kte.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Ephesos 4:4

Wicatancan wanjidan qa Woniya nakun wanjidan; nicopi kin en wowacinye wanjidan inicopi kin he iyececa;

Philippi 2:9

Heon etanhan Wakantanka he tehan wankantuya hduwankan icu, qa caje wan wicacaje owasin isanpa waśte kin he qu;

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 9:24

Messiya tipi wakan nape on kagapi kin he mahen i śni, tipi wakan ḣinca iyacinpi kin hena ee; tuka maḣpiya kin e qe mahen, qa heciya unkiyepi on Wakantanka itokam ihdutanin kta.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

I. Inyan 1:5

Wacinyanpi eciyatanhan Wakantanka towaśake kin on wiconi anikpatanpi, eqe anpetu ehake kin en yuotaninpi kta.

I. Johannes 3:12

Qain taku śice cin eciyatanhan un, qa iye sunkaku kikte qon iyecece śni. Unkan taku on kikte he. Iye kin oḣan śica, qa sunkaku kin waśte kin heon etanhan.

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

Judas 1:1

Judas, Jesus Messiya tawowidake kin, qa Jakob sunkaku kin, tona Wakantanka Ateyapi kin en wicayuecepidan, qa Jesus Messiya en wicakpatanpi, qa wicakicopi kin hena wowapi wicakicaga.

Judas 1:24

Unkan tuwe woaḣtani econ śni niyuhapi kta okihi, qa wowiyuśkin yuha iye towitan kin en iyaonpepica śni enihdepi kte cin,

Wayuotanin 15:4

Itancan, tuwe konicipe kte śni, qa nicaje kin inidowan kte śni he; niśnana oniowotanna; qa oyate hiyeye cin owasin upi, qa nitokam canpeśka makehde enajin kta; woyaco nitawa kin wanna tanin kin heon etanhan.

Wayuotanin 19:12

Iśta kin peta ide kin iyececa, qa pa kin akan wateśdake ota yukan; qa caje kin owapi, tuka he tuwedan sdonye śni, iye iśnana sdonkiya.

Wayuotanin 4:8

Qa taku ni un topa kin otoiyohi ḣupahu śakpekpe yuhapi, qa ihdukśan, qa mahen tanhan iśta ojupidan; qa anpetu hanyetu ko ayaśtan śni hecen eyapi, Wakan, Wakan, Wakan, Itancan Wakantanka Iyotan waśaka, tuwe un, qa un qon, u kte cin hee ce.