Johannes 16:2 - Dakota Wowapi Wakan Kin

² Omniciye tipi kin etanhan tankan iyeniyanpi kta; nakun anpetu wan u kta, hehan tuwe kaśta niktepi kinhan, he Wakantanka iyokipiya kecin kta.

Johannes 16:2 ပူးပေါင်းရင်းမြစ်များ

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Mattheos 24:9

Hehan wicokakije en yeniyanpi kta qa niktepi kta; qa micaje on oyate owasin śicenidapi kta.

Lukas 6:22

tohan wicaśta śicenidapi, qa yuiyog iyayeniyanpi, qa iennihdepi, qa Wicaśta Cinhintku kin on nicajepi kin taku śica iyecen tankan eḣpeyapi kinhan, niyawaśtepi ece.

Johannes 12:42

Hececa tuka itancanpi etanhan wicota wicadapi; tuka Pharisee kin hena on etanhan yaotaninpi śni, omniciye tipi kin etanhan tankan iyewicayapi kta ikopapi heon.

Johannes 16:25

Hena taku iyacinyan heciciyapi; tuka anpetu wan u kta, hehan wiyacinyan takudan eciciyapi kte śni, tuka taninyan Ateyapi kin on ociciyakapi kta.

Johannes 16:32

Anpetu wan u kta qa wanna hiyohi, enanakiya otoiyohi yahdapi kta, qa miśnana eḣpemayayapi kta; tuka nakun miśnana waun śni, Atewaye cin he mici un.

Johannes 4:21

Unkan Jesus heciya; Winoḣinca, wicamada wo, anpetu wan u ce, paha kin de en, qa Jerusalem nakun en, Ateyapi kin ohoyadapi kte śni.

Johannes 4:23

Tuka anpetu u kin he wanna hiyohi, tona wowicake eciyatanhan ohodapi kin hena woksape wowicake eciyatanhan Ateyapi kin ohodapi kta. Ateyapi kin he tona hecen ohodapi kte cin akita ece.

Johannes 9:22

Juda oyate kowicakipapi, qa heon etanhan atkuku hunku kici hecen eyapi. Tuwe, Messiya kin hee, taninyan eye cinhan, he omniciye tipi kin etanhan tankan iyeyapi kta, Juda oyate kin wanna wakiconzapi.

Johannes 9:34

Unkan waayuptapi qa, Woaḣtani ocowasin ehna nitonpi, tuka waonspeunyakiyapi kta kecanni he, eciyapi; qa tankan iyeyapi.

Olianyanpi kin 5:33

He naḣonpi qehan canteptanyanpi, qa ṭewicayapi kta e akiiapi.

Olianyanpi kin 7:56

Qa heya; Wanyaka po, maḣpiya kin yuzamnipi, qa Wicaśta Cinhintku kin Wakantanka etapa kin eciyatanhan najin e wanmdaka ce, eya.

I. Korinth 4:13

Unyaśicapi keś ceunkiyapi ece. Wicoicage en watuśekśeca kin iyecen unkagapi, qa anpe dehanyan taku owasin etanhan taku kahin eḣpeyapi kin hecen unyawapi ece.

Philippi 3:6

Ohodapi kin eciyatanhan okodakiciye kin śicaya wakuwa, qa woope woowotanna kin he eciyatanhan takudan iyaonpepica śni waun.

Wayuotanin 6:9

Unkan ipuspe izaptau kin yuḣdoke c̣ehan, wahna wośnapi kin ihukuya tona Wakantanka oie, qa iye waayataniupi kin he on wicaktepi qon hena nagipi kin wanwicamdaka.