Johannes 16:16 - Dakota Wowapi Wakan Kin

¹⁶ Wanna aśkayedan hehan wanmayadakapi kte śni; hehan akeś aśkadan ake wanmayadakapi kta, Ate ekta wahde kte cin heon.

Johannes 16:16 ပူးပေါင်းရင်းမြစ်များ

Markos 16:19

Hecen Itancan kin owicakiya, hehan maḣpiya ekta eyakupi, qa Wakantanka etapa eciyatanhan kiyotanka.

Johannes 12:35

Hehan Jesus hewicakiya; Iyoyanpa kin ehake cistiyedan nioipi un; iyoyanpa duhapi kin icunhan en omani po; otpaze cin iyapaśtag niyanpi nun ce; tuwe otpaza icunhan omani kin he tokiya ye cin sdonye śni.

Johannes 13:3

Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 13:33

Hokśiyoqopa ehake ptenyedan ocipapi kta. Amayakitapi kta, qa Juda oyate ewicawakiye ciqon; Tokiya mde cin ekta yaipi kta oyakihipi śni ce; he iyecen nakaha eciciyapi.

Johannes 16:10

Woowotanna kin, Atewaye cin ekta wahde kta, qa icimana wanmayadakapi kte śni, heon:

Johannes 16:22

He iyecen nakaha iyokiśin dukanpi, tuka ake wanciyakapi kta, kinhan nicantepi kin wiyuśkin kta, qa widuśkinpi kte cin he tuwedan nicipi kte śni.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 16:5

Tuka wanna tuwe umaśi kin he ekta wahde kta; qa wanjidan, Tokiya de kta he, emayakiyapi śni.

Johannes 17:13

Wanna nitankiyadan waku kta, oyate kin den opeya waun kin en ehake hecen epa, hecen on mitowiyuśkin kin iyepi en wicakiyuśtanpi kta.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 7:33

Hehan Jesus hewicakiya; Ehake tokata cistiyedan ocipapi waun kta, hehan tuwe u maśi kinhan heciya wahde kta.

Olianyanpi kin 1:3

Iye kakije cin iyohakam hena eqe en ni un taninic̣iya, woyuotanin ota on, anpetu wikcemna topa hehanyan wanyagic̣iya, qa Wakantanka tokiconze taku tawa kin cajehdata ece;

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.