Johannes 16:10 - Dakota Wowapi Wakan Kin

¹⁰ Woowotanna kin, Atewaye cin ekta wahde kta, qa icimana wanmayadakapi kte śni, heon:

Johannes 16:10 ပူးပေါင်းရင်းမြစ်များ

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

Olianyanpi kin 3:14

Tuka Wanji Wakan qa Owotanna un kin he niye yakipajinpi, qa wicakte sa wan kiyuśkapi yacinpi.

Galatia 5:5

Unkiye Woniya kin eciyatanhan wicoowotanna woape kin wacinyanpi on unkapepi ece.

Roma 1:17

Heon etanhan Wakantanka owotanna oḣanye cin he wacinyanpi kin etanhan wacinyanpi ekta yuotaninpi; wowapi qon iyececa, Tuwe owotanna kin he wacinyanpi on ni kta ce.

Olianyanpi kin 17:31

Qa anpetu wan en wicaśta kin woowotanna on wicayaco kta e konza, wicaśta kaḣnige ciqon he on hecon kta, qa wiconṭe kin etanhan najin kiye cin heon he owasin sdonye wicaya ce, eya.

Olianyanpi kin 7:52

Wicaśta wokcan kin tukte wanji e nihunkakepi kin śicaya kuwapi śni he. Wanji Owotanna un kin he u kte cin tona oyakapi qon hena wicaktepi; qa he qe niś niyepi wanna iyopeyayapi qa yaktepi.

Olianyanpi kin 2:32

Jesus iye qe Wakantanka ekicetuye cin he unkiyepi owasin unyaotaninpi ece.

Johannes 5:32

Wanji tokeca mayaotanin ece; unkan wayaotanin iye mayaotanin kin he wowicake e sdonwakiya.

Johannes 3:14

Nakun ḣewoskan wanmduśka Moses wankan ehde qon he iyecen Wicaśta Cinhintku kin wankan ehdepi kta.

Johannes 7:33

Hehan Jesus hewicakiya; Ehake tokata cistiyedan ocipapi waun kta, hehan tuwe u maśi kinhan heciya wahde kta.

Johannes 16:5

Tuka wanna tuwe umaśi kin he ekta wahde kta; qa wanjidan, Tokiya de kta he, emayakiyapi śni.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.