Johannes 15:8 - Dakota Wowapi Wakan Kin

⁸ Waskuyeca ota icaḣyayapi kinhan Atewaje cin nina yutanpi kta; qa heciya tanhan waonspeciciyapi yaunpi kta.

Johannes 15:8 ပူးပေါင်းရင်းမြစ်များ

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 5:44

Tuka miś heciciyapi; Tona tokaniyanpi kin hena cante wicakiya po; qa tona niyaśicapi kin hena wicayawaśte po; tona śicenidapi kin hena taku waśte ecawicakicon po; qa tona taku i en iyeniyanpi qa teḣiya nicuwapi kin hena wecekiye ewicakiciya po.

Mattheos 9:8

Tuka wicota he wanyakapi hehan yuśinyayapi, qa Wakantanka wicaśta wookihi hinsko tanka wicaqu kin he yatanpi.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Johannes 13:35

Heon waonspeciciyapi yaunpi kin wicaśta owasin sdonyapi kta, otoiyohi waśteyecidapi kinhan.

Johannes 15:5

Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

Johannes 8:31

Heon Juda oyate kin etanhan tona Jesus wicadapi kin hena hewicakiya; Mioie kin ohinniyan oyapapi kinhan, awicakehan waonspewicawakiye cin he niyepi kta;

I. Korinth 10:31

Heon wayatapi qa wadatkanpi, qa taku kaśta ecanonpi kin owasin Wakanatanka yatanpi kta e on econ po.

I. Korinth 6:20

Taku tanka iyopeniyanpi, heon nitancanpi ninagipi ko on Wakantanka yatan po, hena Wakantanka tawa.

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Titos 2:10

Takudan naḣmana icupi śni, qa wacinyanpi waśte ocowasin en ihdutaninpi kta. Hecen taku owasin on, Wakantanka Wanikiya unhapi kin tawoonspe kin he tanyan yuhapi kta.

Titos 2:5

Wacin ksapapi kta, ecepidan, tipi awanhdakapi kta, waśteya unpi kta, hihnakupi kin anawicakigoptanpi kta; hecen Wakantanka oie kin yaśicapi kte śni.

I. Inyan 2:12

Qa Ikcewicaśta ehna owotanna oḣanyan po; hecen śicaya econ keniciyapi keś, wiwicawangapi anpetu kin en, nioḣanpi waśte wanyakapi kte cin hena on Wakantanka yaonihanpi kta.

I. Inyan 4:11

Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.