Johannes 15:5 - Dakota Wowapi Wakan Kin

⁵ Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

Johannes 15:5 ပူးပေါင်းရင်းမြစ်များ

Mattheos 13:21

Tuka iye en hutkan wanica, hecen ecadan enakiya; tohan wicoie kin on wokakije qa śicaya kuwapi akipa hecinḣan, hinnakaha ayuśtan iyaya ece.

Johannes 12:24

Wowicake, wowicake eciyatanhan heciciyapi; Aguyapi su kin maka ekta eḣpeyapi, ṭe śni kinhan, iśnana un kta; tuka ṭe cinhan ota icaḣye kta.

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 5:19

Unkan Jesus waayupte c̣a hewicakiya; Wowicake, wowicake eciyatanhan heciciyapi, Cinhintkuyapi kin takudan iye cinka econ kta okihi śni; Ateye cin taku econ wanyaka eca, hehan Cinhintku kin iś eya iyecen econ ece.

Johannes 9:33

Wicaśta kin de Wakantanka eciyatanhan śni unkanś takudan okihi kte śni ce, eya.

Olianyanpi kin 4:12

Qa tuwe tokeca eciyatanhan wanikiyapi kin yuke śni; qa wicacaje tokeca maḣpiya kin ihukuya wicaśta wicaqupi, on unnipi kte cin wanica ce.

Roma 12:5

He iyecen unkiye unkotapi, tuka Messiya eh tancan unwanjipidan, qa otoiyohi huha unkiciyapi.

Roma 6:22

Tuka nakaha woaḣtani etanhan enihdakupi, qa Wakantanka wowidake niyanpi, heon wicayuecedan on waskuyeca duhapi, qa he ihanke kin owihanke wanin wiconi kin hee.

Roma 7:4

Heon etanhan, mihunkawanji, niś eya Messiya tancan kin eciyatanhan woope kin ekta niṭapi kin; hecen tuwe tokeca hihnayayapi kta, tuwe wicaṭe cin etanhan ekicetuyapi qon he hee; hecen Wakantanka on waskuyeca icaḣunyanpi kta.

I. Korinth 10:16

Woyawaśte wiyatke unyawaśtepi kin he Messiya we kin en kodakiciyapi kin hee śni he. Aguyapi unkiyuśpapi kin he Messiya tancan kin en kodakiciyapi kin hee śni he.

I. Korinth 12:12

Wicatancan kin he wanjidan tuka wicahuha ota yukan; qa tancan kin en huha kin hena ota qeyaś tancan wanjidan; Messiya kin iś he iyececa.

I. Korinth 12:27

Messiya tancan kin he niyepi, qa otoiyohi huha yecidukanpi.

II. Korinth 13:8

Taku wowicake kaśeye cin takudan unkokihipi śni, tuka wowicake kin on etanhan.

II. Korinth 9:10

Tuwe woju kin ojupi yuhekiya ece kin he aguyapi woyute yayapi kte cin nic̣upi, qa taku oyajupi kin icaḣ niciyapi, qa nitoowotanna waskuyeca kin niciyuotapi nunwe.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Ephesos 5:9

Woniya tawaskuyeca kin he wowaśte owasin, qa wicoowotanna, qa wowicake kin en un:

Philippi 1:11

Qa wicoowotanna waskuyeca kin on ojudan yaunpi nunwe, hena Jesus Messiya on Wakantanka woyatan qa wowitan tawa kin ee.

Philippi 4:13

Messiya waśagmaye cin he eciyatanhan taku owasin owakihi.

Philippi 4:17

Taku maqupi kta wacin kin hee śni, tuka waskuyeca niyepi on sanpa niciyuotapi kte cin he wacin.

Kolosse 1:10

Hecen taku iyokipi kin owasin on, Itancan kin en tanyan mayanipi kta, wicoḣan waśte owasin en, waskuyeca icaḣyayapi, qa Wakantanka sdonyapi kin en sanpa inicagapi kta.

Kolosse 1:6

He en nihipi, maka kin owancaya iyaye cin he iyececa, qa waskuyeca aicaga, niyepi kin en nakun, anpetu kin en nayaḣonpi, qa awicakehan Wakantanka towaonśida iyacupi qon ehantanhan.

Jakob 1:17

Taku wicaqupi waśte qa yuśtanpi kin owasin wankantanhan un, qa iyoyanpa Ateyapi kin eciyatanhan kun u ece; iye qe tokeca śni, qa yuhomnipica śni ḣinca.

I. Inyan 2:4

He en yahipi, inyan wan ni un kin iyececa, wicaśta akantu eḣpeyapi, tuka Wakantanka e kaḣnige c̣a teḣike daka;

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.