Johannes 15:2 - Dakota Wowapi Wakan Kin

² Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

Johannes 15:2 ပူးပေါင်းရင်းမြစ်များ

Mattheos 13:12

Heon tuwe taku yuhe cinhan nakun qupi kta, hecen iyakic̣uya yuhe kta; tuka tuwe takudan ton śni, tona, yuhe cin hee kaeś kipi ece e kta.

Mattheos 13:33

Wiyacinpi tokeca wan owicakiyaka; Maḣpiya wokiconze kin on napoḣyapi kin iyececa, he winoḣinca wan icu qa wotpanpi wiyutapi yamni en inaḣman, hecen ocowasin napoḣyapi.

Mattheos 15:13

Unkan waayupte c̣a heya; Taku ojupi kin, tona Ate maḣpiya ekta un kin oju śni kinhan, hena owasin yujunpi kta.

Mattheos 21:19

Qa suken can wanji canku ohna han wanyake c̣ehan, he en i, tuka takudan iyeye śni, ape eceedan aicaga; unkan heya; Icimana waskuyeca ainicage śni nunwe. Unkan suken can kin kohanna śnija aya.

Mattheos 25:29

Tuwe taku ota yuho cin he nakun qupi ece e kta, hecen iyakicuya yuhe kta; tuka tuwe takudan yuhe śni kin hetanhan taku ton kin hee kaeś ekiciyakupi ece e kta.

Mattheos 3:10

Unkan wanna onspe kin can hute kin en ehnakapi; heon etanhan can otoiyohi waskuyeca waśte aicage śni kin he kawankapi qa petan eḣpeyapi ece.

Mattheos 3:12

Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kasnipica śni on ḣuḣnaḣye kta.

Mattheos 7:19

Can otoiyohi waskuyeca waśte aicage śni kin he kawankapi qa petan eḣpeyapi ece.

Markos 4:20

Unkan maka waśte kin en ojupi qon, tona wicoie kin naḣonpi eca icupi ece, qa waskuyeca icaḣyapi, wikcemna yamni, wikcemna śakpe, qa opawinge akihde, iho, hena eepi.

Lukas 8:13

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Johannes 15:1

Hastanhanka iyuwi wowicake kin he miye, qa Atewaye cin he kieanye cin ee.

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 15:3

Eya wanna niskapi, wicoie oeiciyakapi kin heon.

Johannes 15:6

Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

Johannes 15:8

Waskuyeca ota icaḣyayapi kinhan Atewaje cin nina yutanpi kta; qa heciya tanhan waonspeciciyapi yaunpi kta.

Johannes 17:12

Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin eḣpekiyapi śni, wicaśta wayutakuni śni cinhintku kin hecedan eḣpekiyapi, hecen wowapi en un qon wanna iyecetu.

Roma 11:17

Unkan can adetka kin hena wanjikji yuksapi, qa niś can wihdi hu ikceka henica, tuka can adetka qon ehna can kin en icaḣniyanpi, qa can wihdi cepa can huta kin etanhan, en opeya yaun kinhan;

Roma 11:22

Wakantanka towaonśida tocantiyahde ko wanyaka po; tona hinḣpayapi qon hena en wocantiyahde, qa niye en wowaonśida kin, wowaonśida kin he en nayajin kinhan, tuka hecanon śni kinhan niś eya nicaksapi kta.

Roma 8:28

Unkan Wakantanka waśte dakapi kin hena taku owasin tanyan owicakiḣan ece e sdonunyanpi, tona iye tawacin kin eciyatanhan wicakicopi kin hena.

I. Korinth 13:1

Wicaśta akantu, qa maḣpiya ohnihde cejipi kin on iwaa eśta, wacanwakiye śni ehantanhan maza śa snasna, qa taku ituya sna kin he iyemaceca.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 12:15

Qa tuwe Wakantanka to waonśida kin iyohi kte śni naceca, heon aic̣iciya iwanihdaka po, okinni can hute paza icage c̣a, nugiyeniyanpi kta, qa hecen wicota aśamyapi kta.

I. Johannes 2:19

Unkiyepi kin etanhan inanpapi, tuka hena unkicicapi śni. Hena unkicicapi unkanś, unkici pi un wacinpi kta: tuka owasin unketanhanpi śni tanin kta e heon etanhan hececa.

Wayuotanin 3:19

Tona cantewicawakiye cin hena wahokonwicawakiye c̣a, iyopewicawakiya ece. Heon mniheic̣iye c̣a ihduecetu wo.