Johannes 15:16 - Dakota Wowapi Wakan Kin

¹⁶ Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 15:16 ပူးပေါင်းရင်းမြစ်များ

Mattheos 21:22

Qa taku tona wocekiye eya yadapi, qa wicayadapi kinhan, hena owasin duhapi ece e kta.

Mattheos 7:7

Da po, kinhan nic̣upi kta; ode po, kinhan iyeyayapi kta; en katoto po, kinhan niciyuḣdokapi kta.

Lukas 6:13

Unkan wanna anpa qehan, waonspewicakiye cin wicakico, qa etanhan akenonpa wicahdaḣnige c̣a, Wahośiyapi, ewicakiya.

Johannes 13:18

Taku epe cin de niye iyuḣpa heciciyapi śni; tona wicawakaḣnige cin hena sdonwicawakiya; tuka wowapi en kagapi qon yuecetu kta; Tuwe kici aguyapi wata ece kin he miye on siha yuwankan ehdaku ce.

Johannes 15:19

Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

Johannes 15:5

Hastanhanka iyuwi kin he miye, adetka kin he niyepi. Tuwe mici un qa miś kici waun kin he waskuyeca ota icaḣya; miye kin en icunonpa yaunpi kinhan takudan oyakihipikte śni.

Johannes 6:70

Unkan Jesus awicayupte; Akeninonpapi kin miye cicaḣnigapi śni he; tuka wanji wakanśica yaunpi ce, eya.

Olianyanpi kin 1:24

Hehan cekiyapi qa heyapi; Itancan niye wioacante owasin sdonya nanka, wicaśta kin dena unma tukte yakaḣnige cin he yutanin wo;

Olianyanpi kin 1:8

Tuka Woniya Wakan kin en nihipi kinhan, wowaśake duhapi kta; hehan Jerusalem en, qa Juda makoce kin owancaya, qa Samaria qa maka ihanke kin hehanyan mayadaotaninpi kta ce.

Olianyanpi kin 10:41

Oyate kin iyuḣpa śni, tuka tona otokaheya ekta Wakantanka wicakaḣnige ciqon hena en, waayataninpi kin unkiyepi, wiconṭe etanhan piya ikicage cin iyotiakam kici wauntapi qa waunyatkanpi ece.

Olianyanpi kin 22:14

Hehan iye heya; Hunkake wicunyanpi Wakantanka tawapi kin nicaḣniga, iye tawacin kin sdonyaye kta, qa Wanji Owotanna kin wandake c̣a, he i kin eciyatanhan ho kin nayaḣon kta;

Olianyanpi kin 9:15

Tuka Itancan kin iś heciya; Hunktiya wo, wakśica wakaḣnige cin he wanji ee, micaje kin Ikcewicaśta, qa wicaśtayatapi kin Israel cinca ko itokam yuha un kta:

Roma 1:13

Mihunkawanji, he de sdonye śni dukanpi kta wacin śni, wanna ota ekta ciupi kta kepca, tuka dehanyan iyomakipi śni, niyepi ekta waskuyeca wanjikji mduhe kta wacin, oyate toktokeca kin en mduhe cin he iyececa.

Roma 1:5

Iye kin eciyatanhan wowaśte unkicupi, qa oyate owasin wacinyanpi kin anagoptanpi kte cin heon yewicaśipi wicoḣan kin he nakun, iye caje kin on:

Roma 15:4

Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

Roma 9:21

Maka wakśica kage cin heca maka kin okihi śni he, upśija omnaye wanjidan etanhan wakśica wan woyuonihan, qa wanji iś wowiśtece on kage kte śni he.

I. Korinth 10:11

Hena taku kin owasin waonspekiyapi on en wicahiyahde, qa unkiyepi wicoicage owihanketa unyakonpi kin wahokonunkiyapi kte cin heon wowapi en kagapi.

Galatia 1:15

Tuka Wakantanka inn tezi kin etanhan imacu, qa iye towaonśida kin on mico kin he,

Ephesos 2:10

Iye taku kage cin he unkiyepi, Jesus Messiya en wicoḣan waśte aicaḣ unyanpi, hena ohna maunnipi kte cin heon otokaheya tanhan Wakantanka wiyeya ehnaka.

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

Kolosse 1:6

He en nihipi, maka kin owancaya iyaye cin he iyececa, qa waskuyeca aicaga, niyepi kin en nakun, anpetu kin en nayaḣonpi, qa awicakehan Wakantanka towaonśida iyacupi qon ehantanhan.

I. Timotheos 2:7

He en eyanpaha qa yeśipi kin heca makagapi; Messiya en wowicake epa, itonśni mawanica; wowacinye wowicake ko Ikcewicaśta onspe wicawakiye kte cin heon.

II. Timotheos 1:11

Heon eyanpaha qa yeśipi kin heca makagapi, Ikcewicaśta wowicawakiyake kte cin heon.

II. Timotheos 2:2

Qa miye etanhan taku nayaḣon, wicota yaotaninpi qon, hena wicaśta wacinyepica, tona tokan onspewicakiya okihipi kin, hena wicaqu wo.

Titos 1:5

He etanhan Krete en yanke ciśi, taku tona yuśtanpi śni kin hena wiyeya eyahnake kta, qa otonwe otoiyohi en hunkayapi wicayakage kta e on; token econ ciśi qon iyececa.

Hebrew 11:4

Wacinyanpi kin eciyatanhan Abel Qain kape c̣a, wośnapi iyotan waśte wan Wakantanka wakiyuśna qon he on owotanna e hduotanin; Wakantanka nakun hecen yuotanin, taku qu kin heon, qa he eciyatanhan ṭa keś nahaḣin ia ece.

Jakob 3:18

Unkan tona wookiye kagapi kin hena woowotanna waskuyeca kin wookiye en owicakicijupi ece.

I. Inyan 3:15

Tuka nicantepi kin en Wakantanka Itancan kin wakanda po; qa tuwe wowacinye en niunpi kin on iniwangapi kinhan, waḣbayedan kokipeyahan aduptapi kta e ohinniyan wiyeya yanka po;

I. Inyan 3:2

Nioḣanpi waśte wokokipe iyahna wanyakapi kin icunhan.

I. Johannes 4:10

Wacantkiyapi kin he deciyatanhan, unkiye Wakantanka waśteundakapi kin hee śni, tuka iye canteunkiyapi, qa Cinhintku waunḣtanipi yutokan iyeye kta e on u śi qon hee.

I. Johannes 4:19

Iye tokaheya canteunkiyapi kin heon unkiye Wakantanka waśteundakapi.