Johannes 15:1 - Dakota Wowapi Wakan Kin

¹ Hastanhanka iyuwi wowicake kin he miye, qa Atewaye cin he kieanye cin ee.

Johannes 15:1 ပူးပေါင်းရင်းမြစ်များ

Mattheos 15:13

Unkan waayupte c̣a heya; Taku ojupi kin, tona Ate maḣpiya ekta un kin oju śni kinhan, hena owasin yujunpi kta.

Mattheos 20:1

Maḣpiya wokiconze kin he wicaśta wan tipi yuhe cin he iyececa, he hanḣanna ḣinca hastanhanka iyuwi ojupi tawa kicanyanpi kte cin wicaśta opeton iyaya.

Mattheos 21:33

Wiyacinpi wan tokeca naḣon po; Wicaśta wan tipi yuhe cin he hastanhanka iyuwi ojupi wan oju, qa ihdukśan natake c̣a ohna iyuśkice wan qe c̣a nakun cowahe wan en kaga; qa wicaśta kicanyanpi kta owicaqu, hehan icimani iyaya.

Markos 12:1

Hehan wiyacinpi on wowicakiyaka; Wicaśta wan hastanhanka iyuwi wojupi wan oju, qa ohomni natake c̣a, miniśa iyuśkice wan en qe c̣a, cowahe tehan wankantu wan kaga; qa kicanyanpi kte cin owicaqu, qa makoce wan tokeca ekta icimani iyaya.

Lukas 13:6

Unkan wiyacinpi kin de nakun owicakiyaka; Wicaśta wan hastanhanka iyuwi maga tawa kin en suken can wanji oju; unkan en waskuyeca ode hi, tuka takudan iyeye śni.

Johannes 1:17

Woope kin he Moses wicaqu; tuka wicowaśte wowicake ko hena Jesus Messiya eciyatanhan u.

Johannes 1:9

Iyoyanpa wicakapi ḣince cin hee, wicaśta otoiyohi wicoicage kin en u iyoyamye cin hee.

Johannes 15:2

Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

Johannes 6:32

Unkan Jesus hewicakiya; Wowicake, wowicake eciyatanhan heciciyapi; Moses aguyapi kin he maḣpiya kin eciyatanhan nic̣upi śni; tuka Atewaye cin he aguyapi wowicake kin maḣpiya eciyatanhan nic̣upi.

Johannes 6:55

Miceḣpi kin he woyute otancanke, qa mawe kin he woyatke otancanke.

Roma 11:17

Unkan can adetka kin hena wanjikji yuksapi, qa niś can wihdi hu ikceka henica, tuka can adetka qon ehna can kin en icaḣniyanpi, qa can wihdi cepa can huta kin etanhan, en opeya yaun kinhan;

I. Korinth 3:9

Wakanṭanka kici ḣtanipi kin hena unkiyepi; Wakantanka tamaga, qa Wakantanka tipi kage cin he niyepi.

I. Johannes 2:8

Hehan akeś woahope teca wan cicagapi; he iye kin en wowicake, qa nakun niyepi kin en; otpaze cin he wanna henakeca, qa iyoyanpa wicake cin he wanna tanin kin heon etanhan.