Johannes 14:9 - Dakota Wowapi Wakan Kin

⁹ Hehan Jesus heciya; Philip, wanna wanakajatanhan cicipi waun, tuka nahanḣin sdonmayaye śni he; tuwe wanmayake cin he Ateyapi kin wanyaka; hecen tokeca, Ateyapi kin wanyag unyan miye, eha he.

Johannes 14:9 ပူးပေါင်းရင်းမြစ်များ

Markos 9:19

Unkan waayupte c̣a hewicakiya; Wicoicage wicada śni, tohanyan cicipi waun kta; tohanyan iyowinciciyapi kta he. En makau po.

Lukas 12:56

Wanaic̣iḣmanpi kin, niś maḣpiya ite kin maka ko iyukcan oyakihipi; tuka tokeca e nakaha kin idukcanpi śni he.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 10:30

Miye, qa Atewaye cin unwanjipidan, eya.

Johannes 12:45

Qa tuwe wanmayake cin he nakun tuwe u maśi kin he wanyaka.

Johannes 14:20

Anpetu kin he en, Atewaye cin he wecica, qa niś miyecicapi, qa miś ocicipapi kin he sdohyayapi kta.

Johannes 14:7

Sdonmayayapi unkanś nakun Atewaye cin sdonyayapi kta tuka; qa detanhan sdonyayapi qa wandakapi ce.

Johannes 8:19

Unkan, Niyate tukte e he, eciyapi. Jesus iś awicayupte, Sdonmayayapi śni, qa nakun Atewaye cin sdonyayapi śni: Miye kin sdonmayayapi unkanś, Ate iś nakun sdonyayapi kta tuka.

I. Korinth 15:12

Unkan Messiya wiconṭe kin etanhan piya ikicage cin he oyakapi hecinhan, token on niyepi wanjikji, Wiconṭe etanhan piya wicoicage wanica ce, ehapi he.

Philippi 2:6

He Wakantanka ouncage kin en un, qa Wakantanka kici akidecen yanka keic̣iye cin he wawicakipi śni kecin.

Kolosse 1:15

Wakantanka wanyagpica śni un kin ouncage kin hee, qa taku kagapi kin owasin en tokapa kin hee:

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.