Johannes 14:7 - Dakota Wowapi Wakan Kin

⁷ Sdonmayayapi unkanś nakun Atewaye cin sdonyayapi kta tuka; qa detanhan sdonyayapi qa wandakapi ce.

Johannes 14:7 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 15:24

Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

Johannes 16:3

Atewaye cin sdonyapi śni, qa miś nakun sdonmayanpi śni, he etanhan henakiya hecen ecanionpi kta.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Johannes 17:23

Miś wicakici waun, qa niś mici yaun, hecen wanjidan en wicayuśtanpi kta; qa hecen niye umayaśi kin he oyate kin sdonyapi kta; qa waśtemayakida kin he iyecen waśtewicawakida ece.

Johannes 17:26

Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waśtemayakida qon he dena en un kta, qa miś nakun owicawape kta.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:6

Oyate kin den wicaśta tona mayaqu kin hena en nicaje mdaotanin; hena nitawa, tuka hena mayaqu; unkan hena nioie qon niciyuhapi.

Johannes 17:8

Nioie mayaqu qon he wanna wicawaqu; unkan ieupi, qa niye eciyatanhan wahi kin he tanyan sdonyapi, qa niye e umayaśi kin he wicadapi.

Johannes 6:46

Tuwedan Ateyapi kin tohinni wanyake śni, tuwe Wakantanka etanhan u kin hecedan Atkuku wanhdaka.

Johannes 8:19

Unkan, Niyate tukte e he, eciyapi. Jesus iś awicayupte, Sdonmayayapi śni, qa nakun Atewaye cin sdonyayapi śni: Miye kin sdonmayayapi unkanś, Ate iś nakun sdonyayapi kta tuka.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

I. Johannes 2:13

Hunkakeniyanpi kin, tuwe otokaheya tanhan un kin he sdonyayapi kin heon wowapi cicagapi. Kośkapi kin, tuwe śice cin he ohiyayapi kin heon wowapi cicagapi.