Johannes 14:6 - Dakota Wowapi Wakan Kin

⁶ Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 14:6 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:17

Woope kin he Moses wicaqu; tuka wicowaśte wowicake ko hena Jesus Messiya eciyatanhan u.

Johannes 1:4

Iye kin en wiconi; qa wiconi kin he wicaśta iyoyamwicaye cin hee.

Johannes 10:28

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Johannes 10:7

Hehan ake Jesus hewicakiya; Wowicake, wowicake on heciciyapi, Taḣinca tipi tiyopa kin he miye ce.

Johannes 10:9

Tiyopa kin he miye; tuwe miye eciyatanhan ti iyoḣpaye cinhan ni kta; qa mahen ye c̣a tankata inanpa eca wato tanyan iyeye kta.

Johannes 14:19

Wanna ptenyedan kinhan oyate wanmayakapi kte śni, tuka niye wanmayadakapi kta wani waun, qa niś yani yaunpi kte cin heon.

Johannes 15:1

Hastanhanka iyuwi wowicake kin he miye, qa Atewaye cin he kieanye cin ee.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 5:21

Ateyapi kin tuwe ṭa keś niye c̣a wiconi wicaqu ece; he iyecen Cinḥintku kin iś tona cin kinhan wiconi wicaqu ece.

Johannes 6:33

Aguyapi Wakantanka tawa kin he tuwe maḣpiya eciyatanhan kuntkiya u, qa oyate wiconi wicaqu kin hee.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Johannes 6:57

Ate u maśi kin he ni un, qa Ate on ni waun, he etanhan tuwe mayute cinhan miye on ni un kta.

Johannes 6:68

Unkan Simon Inyan ayupte; Itancan, tuwe ekta unyanpi kta he; owihanke wanin wiconi wicoie duhe cin;

Johannes 8:32

Kinhan wowicake kin sdonyayapi kta; qa wowicake kin he niciyuśkapi kta ce.

Johannes 8:51

Wowicake, wowicake eciyatanhan heciciyapi, Tuwe mioie kin de yuhe cinhan, tohinni wiconṭe wanyake kte śni, eya.

Olianyanpi kin 3:15

Qa Wiconi Itancan kin he yaktepi; he qe Wakantanka wicaṭe cin etanhan najinkiye cin unkiye unkoyakapi ece.

Olianyanpi kin 4:12

Qa tuwe tokeca eciyatanhan wanikiyapi kin yuke śni; qa wicacaje tokeca maḣpiya kin ihukuya wicaśta wicaqupi, on unnipi kte cin wanica ce.

Olianyanpi kin 9:2

Qa Damaskos en omniciye tipi kin ekta wowapi da; hecen canku kin de ohna yakonpi kin tona iyewicaye kte cin, wica winyan ko, Jerusalem ekta kaśka awicahdi kta e heon.

Roma 15:16

Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

Roma 5:2

Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

Roma 5:21

Hecen wiconṭe en woaḣtani ounye ciqon he iyecen wiconi owinanke wanica en wowaonśida ounye kta, Jesus Messiya Itancan unkiyapi kin eciyatanhan.

I. Korinth 15:45

Kaken wowapi en kagapi qon, Adam wicaśta tokaheya kin he wicanagi ni un kin heca kagapi, qa Adam ehake un kin he Woniya Wanikiye cin hee.

Ephesos 2:18

He eciyatanhan Woniya wanjidan on, napin Ateunyanpi kin ekta kiyedan ipi kin he unhapi.

Kolosse 2:17

Hena e taku u kte ciqon ohanzi kin hee, tuka tancan kin he Messiya etanhan.

Kolosse 2:9

Iye kin ohna tancanyan Taku Wakan kin ocowasin ounyan.

Kolosse 3:4

Tohan Mesaiya wiconi unkitawapi kin taninyan hiyu kinhan, hehan wowitan en, kici niyuotaninpi kta.

Hebrew 7:25

Qa hecen tona iye eciyatanhan Wakantanka en upi kin hena owasin niwicaye kta okihi, hena wocekiye ewicakiciye kta e ohinniyan ni un kin heon.

Hebrew 9:8

Heon Woniya Wakan kin hecen oyaka, Wakeya tokaheya kin nahuḣin ecen he cin icunhan, tipi iyotan wakan kin ekta canku kin nahaḣin yuotaninpi śni:

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Inyan 2:4

He en yahipi, inyan wan ni un kin iyececa, wicaśta akantu eḣpeyapi, tuka Wakantanka e kaḣnige c̣a teḣike daka;

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

I. Johannes 1:8

Woaḣtani unnicapi ce, unkeyapi kinhan, unkic̣ihnayanpi qa wowicake kin unkiyepi en un śni.

I. Johannes 2:23

Tuwe Cinhintkuyapi kin wicada śni kin he Ateyapi kin yuhe śni: tuka tuwe Cinhintkuyapi kin oyake cinhan, he Ateyapi kin nakun yuha ece.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

I. Johannes 5:6

Tuwe mini qa we eciyatanhan hi qon he Jesus Messiya ee; mini ecedan on hi śni, tuka mini we ahna. Unkan wayaotanin kin he Woniya kin hee; Woniya kin he wowicake, heon etanhan.

II. Johannes 1:9

Tuwe waḣtani qa Messiya tawoonspe kin en un śni kin he Wakantanka yuhe śni. Tuwe Messiya tawoonspe kin en un kin he Ateyapi kin yuhe c̣a nakun Cinhintku kin.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 19:11

Unkan maḣpiya kin yuzamnipi e wanmdaka, qa ito śuktanka ska wan, qa tuwe akan iyotanke cin he Wicake c̣a Owotanna eciyapi, he owotanna wicayaco qa ozuye econ ece.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.

Wayuotanin 22:1

Hehan wakpa wan wiconi mini ska kin, caḣtowata iyecen ska, he makipazo, he Wakantanka qa Amnos oiyotanke tawa kin etanhan kaduza.

Wayuotanin 22:17

Unkan Woniya kin tawicuyapi kin kici, Kuwa, eyapi. Qa tuwe naḣon kinhan he, Kuwa, eye kta. Qa tuwe ipuza kinhan, he u kta. Qa tuwe cin kinhan he iyunwin codan wiconi mini kin etanhan icu nunwe.

Wayuotanin 3:14

Unkan Laodikia ekta okodakiciye ohnihde yuhapi kin he ecen wowapi kicaga wo; Tuwe Amen eciyapi, waayatanin owotanna, qa wicaka, Wakantanka woicage tawa otokahe kin hee hecen eya;

Wayuotanin 3:7

Unkan Philadelphia ekta okodakiciye ohnihde yuhapi kin he ecen wowapi kicaga wo; Tuwe wakan qa wicaka un, qa Dawid tiyopa iyuḣdoke kin yuhe c̣a, yuḣdoka eca tuwedan ecen iyeye śni, qa ecen icu eca tuwedan yuḣdoke śni ece kin hee hecen eya;