Johannes 14:3 - Dakota Wowapi Wakan Kin

³ Ekta mde c̣a oyanke ciciyuśtanpi kinhan, hehan ake wau qa acihdapi kta; hecen miś waun kin he en niś nakun yaunpi kta.

Johannes 14:3 ပူးပေါင်းရင်းမြစ်များ

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Johannes 14:28

Wahde c̣a ake en ciupi kta eciciyapi kin he wanna nayaḣonpi. Waśte mayadapi kinhan iduśkinpi kta; Atewaye cin ekta wahde kta epe cin he; Atewaye cin he iye mikapeya tanka.

Johannes 14:4

Unkan tokiya mde cin he sdonyayapi, qa canku kin he nakun sdonyayapi.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Olianyanpi kin 1:11

Qa, Galile wicaśta, tokeca e maḣpiya ekta etonwan nayajinpi he. Jesus e qe niyepi etanhan maḣpiya ekta eyakupi kin, he maḣpiya ekta wankan iyaya wandakapi kin he iyecen ake u kta, ewicakiyapi.

Roma 8:17

Unkan uncincapi kinhan tawayapi kte cin heuncapi; Wakantanka tawayapi; Messiya kici tawayapi kte cin; kici unkakijapi kinhan, nakun kici wowitan unhapi kta ce.

Philippi 1:23

Taku nom aoṭins mayanpi; ekta mde c̣a Messiya kici waun kte ḣinca, he iyotan waśte.

II. Thessalonike 1:12

Hecen Jesus Messiya Itancan unkiyapi caje kin niyepi on yuonihanpi kta, qa iye on, niś eya niyuonihanpi kta, Wakantanka unkitawapi, qa Jesus Messiya Itancan towaonśida kin eciyatanhan.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

Hebrew 9:28

He iyecen Messiya, wicota waḣtanipi kin yuhe kta e wancadan wayuśnapi; unkan, tona he wanyakapi kta ape yukanpi kin hena niwicaye kta e, woaḣtani codan, inonpa ihdutanin kta.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.