Johannes 14:2 - Dakota Wowapi Wakan Kin

² Ate ti kin en ounyanpi kte cin ota yanka; he hecece śni unkanś ociciyakapi kta tuka; ekta wahde c̣a oyanke kin ciciyuśtanpi kta.

Johannes 14:2 ပူးပေါင်းရင်းမြစ်များ

Lukas 14:22

Unkan ookiye qon heya; Itancan kin, ehe cin he wanna ecen econpi, tuka nahaḣin okan ce, eya.

Johannes 13:33

Hokśiyoqopa ehake ptenyedan ocipapi kta. Amayakitapi kta, qa Juda oyate ewicawakiye ciqon; Tokiya mde cin ekta yaipi kta oyakihipi śni ce; he iyecen nakaha eciciyapi.

Johannes 13:36

Itancan, tokiya de kta he, Simon Inyan eciya. Jesus ayupte; Tokiya mde cin ekta de kta eśta nakaha oyakihi kte śni, tuka ihakamya mihektam yau kta, eya.

Johannes 14:28

Wahde c̣a ake en ciupi kta eciciyapi kin he wanna nayaḣonpi. Waśte mayadapi kinhan iduśkinpi kta; Atewaye cin ekta wahde kta epe cin he; Atewaye cin he iye mikapeya tanka.

Johannes 16:4

Tuka dena ociciyakapi, hecen tohan iyehantu kinhan, dena wanna eciciyapi kin he yeksuyapi kta. Qa dena otokahe ekta eciciyapi śni, hinyaḣin cicipi waun kin heon etanhan.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Olianyanpi kin 9:16

Qa micaje kin on taku token kakije kte cin he wakipazo kta ce, eya.

II. Korinth 5:1

Makata wakeya unkitawapi kin de yujujupi kinhan, Wakantanka ticage cin tipi nape codan kagapi kin, maḣpiya ekta, owihanke wanin yanke cin he unhapi e sdonunyanpi.

I. Thessalonike 5:9

Wakantanka wocanteptanye en eunhdepi śni, tuka Jesus Messiya Itancan unkiyapi kin eciyatanhan wiconi unkicupi kte cin.

Titos 1:2

Qa owihanke wanin wiconi opapi kte cin, Wakantanka itonśni okitpani, in aka kagapi kin itokam iwahounyanpi qon he on;

Hebrew 11:10

Otonwe wan taku ahde kin ahe cin he ape yanka, ticage c̣a icaḣye cin he Wakantanka kin ee.

Hebrew 13:14

Deeiya otonwe ohinniyan ecen he cin unhapi śni, tuka wanji u kte cin he unkakitapi.

Hebrew 6:20

Heciya Jesus kahin tokam ye cin unkiyepi on timahen iyaya, he Melkizedek ouncage kin iyecen Wawayuśna Itancan kin heca kagapi.

Hebrew 9:8

Heon Woniya Wakan kin hecen oyaka, Wakeya tokaheya kin nahuḣin ecen he cin icunhan, tipi iyotan wakan kin ekta canku kin nahaḣin yuotaninpi śni:

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 21:2

Unkan Johannes he miye e otonwe wakan kin wamdaka, Jerusalem teca kin hee maḣpiya kin etanhan, Wakantanka eciyatanhan kun u, winoḣinca wan wicaśta hihna ton kte cin on wiyeya un kin he iyececa.

Wayuotanin 3:12

Tuwe ohiye cinhan, he tipi wakan mita Wakantanka tawa kin ohna can ihupa wan wakage kta, qa icimana tankan ye kte śni; qa he akan mita Wakantanka caje kin owawa kta, qa mita Wakantanka otonwe tawa caje kin, Jerusalem teca kin hee, maḣpiya kin etanhan Wakantanka mitawa kin eciyatanhan u kin hee, qa nakun micaje teca kin.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.