Johannes 13:9 - Dakota Wowapi Wakan Kin

⁹ Hehan Simon Inyan heciya; Itancan, siha ecedan śni, tuka minape, mapa koya.

Johannes 13:9 ပူးပေါင်းရင်းမြစ်များ

Mattheos 27:24

Hecen Pilate takudan okihi śni, qa nina owodutaton icaga he wanyaka, hehan mini icu, qa wicota wicitokam nape hdujaja, qa heya; Wicaśta owotanna kin de we kin miye en amaupi kte śni; niye ito wanyaka po.

Johannes 13:10

Unkan Jesus heciya; Tuwe wanna ihdujaja kin he takudan sanpa cin śni, siha ecedan yujajapi kta, eya wanna ocowasin ska; unkan niye niskapi, tuka iyuḣpapi śni.

Johannes 13:8

Icimana siha mayakidujaja kte śni, ake Inyan eciya. Hehan Jesus ayupte; Ciciyujaja śni kinhan takudan on miyecica kte śni, eya.

Hebrew 10:22

Heon cante wicake ḣinca hduha śogya wacinunyanpi qa ikiyedan unkupi kta, wicanagi śice cin etanhan uncantepi kin unkamnimnipi;

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;