Johannes 13:8 - Dakota Wowapi Wakan Kin

⁸ Icimana siha mayakidujaja kte śni, ake Inyan eciya. Hehan Jesus ayupte; Ciciyujaja śni kinhan takudan on miyecica kte śni, eya.

Johannes 13:8 ပူးပေါင်းရင်းမြစ်များ

Mattheos 16:22

Hehan Inyan Jesus icu qa iyopeye c̣a heya; Itancan, hecetu śni; dena ayakipe kte śni.

Mattheos 21:29

Unkan ayupte c̣a heya; Ecamon kte śni ye. Tuka iyohakam iyopeic̣iye c̣a iyaya.

Mattheos 26:33

Hehan Inyan ayupte c̣a heciya; Owasin eḣpeniyanpi eśta, miye tohinni eḣpeciye kte śni.

Mattheos 26:35

Inyan heciya; Nici maṭa eśta anaciḣbe kte śni. Waonspewicakiye cin iyuḣpa nakun iyecen eyapi.

Johannes 13:6

Simon Inyan ehan ahi; unkan, Itancan, niye siha mayakidujaja kta he, eciya.

Johannes 13:9

Hehan Simon Inyan heciya; Itancan, siha ecedan śni, tuka minape, mapa koya.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Olianyanpi kin 22:16

Unkan nakaha taku e ayape he. Najin wo, baptem nic̣upi kta, Itancan caje kin hoyeyakiye kta, hecen wayaḣtani kin yakpakinte kta ce, eya.

I. Korinth 6:11

Qa niś niyepi kin hunḣ henicecapi tuka, tuka niyujajapi; tuka niyuwakanpi; tuka niyuowotanpidan, Jesus Itancan kin cajeyan qa Wakantanka unkitawapi Taniya kin on.

Ephesos 5:26

Hecen iye oie kin eciyatanhan, mini on hduecedan, qa hduska kta;

Kolosse 2:18

Tuwe waḣpaniic̣iye c̣a, maḣpiya ohnihde kin ohowicada kin ihnuhan he nihnayanpi kin; he taku wanyake śni kin en yeiciye c̣a, iye ceḣpi tawacin kin on ecinśniyan ihdatan;

Kolosse 2:23

Wicoḣan kin he wicotawacin ohodapi kin en taku woksape iyecen yuhe c̣a, wicowaḣbadan, qa wicatancan itonkipapi śni kin hena en; tuka wicaceḣpi iyokipiyapi kin he woyuonihan śni ece.

Titos 3:5

Wicoḣan owotanna econkupi kin eciyatanhan śni, tuka iye towaonśida kin eciyatanhan niunyanpi; teca wicatonpi woyujaja kin on, qa Woniya Wakan wicayuteca kin heon etanhan;

Hebrew 10:22

Heon cante wicake ḣinca hduha śogya wacinunyanpi qa ikiyedan unkupi kta, wicanagi śice cin etanhan uncantepi kin unkamnimnipi;

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.