Johannes 13:5 - Dakota Wowapi Wakan Kin

⁵ Qa hehan mini wakśica en okaśtan, qa waonspewicakiye cin siha wicakiyujaja, qa napipakinte wan ipiyake ciqon heon siha kin wicakipakinta.

Johannes 13:5 ပူးပေါင်းရင်းမြစ်များ

Lukas 7:38

Qa tapetepa tanhan siha kin en ceya najin, qa iśta minihanpe kin on siha kiciyujaja, qa paha kin on kicipakinta c̣a, siha kin ikiciputake, c̣a ihepi qon on sdakiciciya.

Lukas 7:44

Hehan winoḣinca qon ekta ihduhomni, qa Simon heciya; Winoḣinca kin de wandaka he: Yati kin en wahi, unkan mini on siha wahdujaja kta mayaqu śni; tuka iye kin iśta minihanpe kin on siha mayujaja, qa paha kin on pakinta.

Johannes 13:10

Unkan Jesus heciya; Tuwe wanna ihdujaja kin he takudan sanpa cin śni, siha ecedan yujajapi kta, eya wanna ocowasin ska; unkan niye niskapi, tuka iyuḣpapi śni.

Johannes 13:6

Simon Inyan ehan ahi; unkan, Itancan, niye siha mayakidujaja kta he, eciya.

Johannes 13:8

Icimana siha mayakidujaja kte śni, ake Inyan eciya. Hehan Jesus ayupte; Ciciyujaja śni kinhan takudan on miyecica kte śni, eya.

Johannes 19:34

Tuka akicita wanji wahukeza wan on cuwi kin en capa; unkan we mini ko au.

Olianyanpi kin 22:16

Unkan nakaha taku e ayape he. Najin wo, baptem nic̣upi kta, Itancan caje kin hoyeyakiye kta, hecen wayaḣtani kin yakpakinte kta ce, eya.

I. Korinth 6:11

Qa niś niyepi kin hunḣ henicecapi tuka, tuka niyujajapi; tuka niyuwakanpi; tuka niyuowotanpidan, Jesus Itancan kin cajeyan qa Wakantanka unkitawapi Taniya kin on.

Ephesos 5:26

Hecen iye oie kin eciyatanhan, mini on hduecedan, qa hduska kta;

I. Timotheos 5:10

Wicoḣan waśte on tanyan oyakapi, cinca icaḣwicakiya, oicimani kin wonwicaya, tona owotanna un siha wicakiyujaja, tona kakijapi kin owicakiya, qa wicoḣan waśte owasin amniheic̣iya en opa hecinhan.

Hebrew 10:22

Heon cante wicake ḣinca hduha śogya wacinunyanpi qa ikiyedan unkupi kta, wicanagi śice cin etanhan uncantepi kin unkamnimnipi;

I. Johannes 1:7

Tuka iye iyoyanpa en un kin he iyecen iyoyanpa kin en maunnipi kinhan, otoiyohi okiciciya unyakonpi, qa iye Cinhintku Jesus Messiya we kin he woaḣtani owasin unkipakintapi kta.

I. Johannes 5:6

Tuwe mini qa we eciyatanhan hi qon he Jesus Messiya ee; mini ecedan on hi śni, tuka mini we ahna. Unkan wayaotanin kin he Woniya kin hee; Woniya kin he wowicake, heon etanhan.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,

Wayuotanin 7:14

Unkan, Itancan, niye sdonyaya ce, epa. Unkan hemakiya; Wicokakije tanka etanhan upi qon dena eepi, unkan wokoyake hdujajapi, qa Amnos we kin on hduskapi.