Johannes 13:34 - Dakota Wowapi Wakan Kin

³⁴ Woahope teca wan cic̣upi, otoiyohi waśteyecidapi kta; waśtecicidapi kin he iyecen waśteyecidapi kta.

Johannes 13:34 ပူးပေါင်းရင်းမြစ်များ

Mattheos 5:44

Tuka miś heciciyapi; Tona tokaniyanpi kin hena cante wicakiya po; qa tona niyaśicapi kin hena wicayawaśte po; tona śicenidapi kin hena taku waśte ecawicakicon po; qa tona taku i en iyeniyanpi qa teḣiya nicuwapi kin hena wecekiye ewicakiciya po.

Johannes 15:17

Otoiyohi waśte kicida po, he iwahokonciciyapi ce.

Johannes 17:21

Hecen on owasin wanjipidan kta, niye kin iyecen, Ate, miyecica, qa miś cicica; qa hecen iś unkicicapi kta; qa oyate kin niye u mayaśi kin he wicadapi kta.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Roma 13:10

Waśtewicadakapi kin he wicaśta tokeca taku śica takudan ecakicon śni, heon waśtewicadakapi kin he woahope yuecetupi kin hee.

Roma 13:8

Tuwedan takudan ikicazo śni un po, otoiyohi waśte yecidakapi kte cin hecedan. Tuwe wicaśta tokeca waśte wicadake cin he woahope kin tanyan yuha.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

Galatia 6:10

Heon tohanyan unkokihipi kinhan, wicaśta owasin taku waśte ecawicunkiconpi kta, qa wacinyanpi tiyohnaka kin hena iyotan.

Galatia 6:2

Otoiyohi waqinpi kin kicic̣in po, hecen Messiya toope kin tanyan eoetu yayapi kta.

Ephesos 5:2

Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.

Kolosse 1:4

Jesus Messiya wacinyayapi, qa tona owotanna un kin owasin waśte wicayadakapi kin he naunḣonpi;

I. Thessalonike 3:12

Qa otoiyohi waśteyecidakapi, qa owasin waśtewicayadakapi kin he en, Itancan kin icaḣniyanpi, qa niciyuotapi nunwe, unkiś waśteunnicidakapi kin he iyececa.

II. Thessalonike 1:3

Mihunkawanji, wacinyayapi kin he nina icage c̣a, wacanyakiyapi kin otoiyohi en nina niciyuotapi kin, heon ohinniyan niyepi on, Wakantanka wopida unkekiciyapi kte cin he hecetu.

Hebrew 13:1

Hunkawanjinkiciyapi waśtekicidapi kin he ecen un nunwe.

Jakob 2:8

Wowapi kin eciyatanhan, woope iyotan waśte, Nikiyedan un kin niye inihdacin waśteyadake kta ce, eyapi kin he ecen ecanonpi kinhan, tanyan ecanonpi kta.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

II. Inyan 1:7

Qa taku wakan iyececapi kin en waśtekicidapi; qa waśtekicidapi kin en wacantkiyapi ikoyagya po.

I. Johannes 3:11

Otokaheya tanhan taku iwahokonunkiciyapi nayaḣonpi qon he dee, otoiyohi waśteunkicidakapi kta cin.

I. Johannes 3:23

Unkan tawoahope kin he dee, Iye Cinhintku Jesus Messiya caje kin wacinunyanpi, qa otoiyohi waśteunkicidapi kta, econ unśipi qon iyececa.

I. Johannes 4:21

Unkan iye etanhan woahope kin de unhapi; tuwe Wakantanka waśtedake cin he hunkawanjitku kin iś nakun waśtekidake kta ce.

II. Johannes 1:5

Unkan nakaha, Kuria, ceciya ce, woahope teca wan cicage cin iyecece śni, tuka wanji otokahe ekta unhapi qon, otoiyohi canteunkiciciyapi kte cin hee.