Johannes 13:3 - Dakota Wowapi Wakan Kin

³ Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 13:3 ပူးပေါင်းရင်းမြစ်များ

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Lukas 10:22

Atewaye cin he taku owasin yuhemakiya; qa Cinhintkuyapi kin he tuwe kin tuwedan sdonye śni, Ateyapi kin heceyedan; qa Ateyapi kin iś tuwe kin, Cinhintkuyapi kin iye qa tona owicakiyake kte cin henana sdonyapi ece.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 3:13

Nahaḣin tuwedan maḣpiya kin ekta i śni, tuwe maḣpiya kin eciyatanhan kuntkiya u, qa hi kin he Wicaśta Cinhintku kin hee, nahaḣin nakun maḣpiya kin ekta yanka.

Johannes 3:35

Atkuku kin Cinhintku waśtekidake c̣a, taku owasin iye nape kin en qu:

Johannes 7:29

Tuka miye he sdonwakiya, he iye etanhan wahi, qa u maśi kin hee.

Johannes 7:33

Hehan Jesus hewicakiya; Ehake tokata cistiyedan ocipapi waun kta, hehan tuwe u maśi kinhan heciya wahde kta.

Johannes 8:14

Jesus waayupte c̣a hewicakiya; Miye atayedan mihdaotanin qeyaś mihdaotanin kin he wowicake; tokiya tanhan wahi kin he sdonwakiya, qa nakun tokiya mde kte cin he; qa niyepi kin tokiya tanhan wau, qa tokiya mde cin hena sdonyayapi śni.

Johannes 8:42

Heon Jesus hewicakiya; Wakantanka he ateyayapi unkanś waśte mayadakapi kta tuka; miye kin Wakantanka kin hetanhan wahinape c̣a wau; qa miye cinka wahi śni, iye kin u maśi.

Olianyanpi kin 2:36

Heon etanhan, Israel tiyohnaka owasin, de tanyan sdonya wo, Jesus icipaweḣ oyakatanpi qon, hee Wakantanka Itancan qa Messiya kaga ce.

I. Korinth 15:27

He siha kin ihukuya taku owasin ekihnaka. Tuka tohan, He ihukuya taku owasin ehnakapi kin, eye c̣ehan, tuwe he ihukuya taku owasin ehnake cin he okaptapi e tanin.

Hebrew 1:2

He on woicage kin owasin kage c̣a, he taku owasin tawaye kta e ehde: