Johannes 13:18 - Dakota Wowapi Wakan Kin

¹⁸ Taku epe cin de niye iyuḣpa heciciyapi śni; tona wicawakaḣnige cin hena sdonwicawakiya; tuka wowapi en kagapi qon yuecetu kta; Tuwe kici aguyapi wata ece kin he miye on siha yuwankan ehdaku ce.

Johannes 13:18 ပူးပေါင်းရင်းမြစ်များ

Mattheos 10:36

Qa wicaśta tona tokayapi kin iye ti en unpi kin hena eepi kta.

Mattheos 26:21

Qa wotapi icunhan heya; Niyepi etanhan wanji wiyopemayayapi kta, awicakehan eciciyapi ce.

Mattheos 26:23

Unkan waayupte c̣a heya; Tuwe wakśica ohna kici nape yewaye cinhan he wiyopemaye te cin ee.

Markos 14:17

Unkan wanna ḣtayetu hehan akenonpapi kin om en hi.

Markos 14:18

Unkan wota iyotankapi icunhan Jesus heya; Awicakehan heciciyapi; Mici wayatapi kin wanji wiyopemayayapi kta.

Markos 14:20

Unkan hewicakiya; Akenonpapi kin etanhan wanji wakśica ohna mici oputkan kin hee ce.

Lukas 22:21

Tuka iho, wiyopemaye kte cin he nape kin wahna wotapi kin akan miciun.

Johannes 13:21

Jesus hena hecen eye c̣a hehan toksape kin ekta iyahdeic̣iya, hdaotanin qa heya; De dukanpi kin etanhan wanji wiyopemayayapi kta, wowicake, wowicake on eciciyapi ce.

Johannes 13:22

Hehan waonspewicakiye cin opakiciḣta yukanpi, wanji tukte e on heye cin sdonyapi śni.

Johannes 13:26

Jesus ayupte; Wanji tukte ḣpanyanpi onśpa waqu kinhan hee kta, eya. Hecen onśpa ḣpanye c̣a, Judas Iskariot eciyapi Simon cinhintku he qu.

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 15:19

Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

Johannes 15:25

Tuka woope tawapi kin en wicoie kagapi qon he wanna iyecetu; Takudan on etanhan śni śice madakapi ce.

Johannes 17:12

Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin eḣpekiyapi śni, wicaśta wayutakuni śni cinhintku kin hecedan eḣpekiyapi, hecen wowapi en un qon wanna iyecetu.

Johannes 18:32

Hecen Jesus oie qon ecetu kta, token wiconṭe on ṭe kta eye ciqon he.

Johannes 19:24

Heon etanhan iye iyakitedan hekiciyapi; Śina kin he unyuḣdecapi kte śni, econkupidan qa yeunkiyapi kta, hecen tuwe ohiye cinhan yuhe kta. Hecen wowapi en kagapi qon he iyecetu; Mi tawokoyake kicipamnipi, qa mitaśina kin he oeconna en yekiyapi ce. Unkan akicita kin hena hecen econpi.

Johannes 19:36

Hena hecetu, unkan wicowoyake wowapi en kagapi qon iyecetu; Hu kin wanjidan kawegapi kte śni ce.

Johannes 21:17

Ake iciyamni, Simon Jona cinhintku waśte mayadaka he, eciya. Yamni akihde, Waśte mayadaka he, eya iwange cin heon Inyan iyokiśica; unkan heciya, Itancan, taku owasin sdonyaya; waśtecidake cin he sdonyaya. Hehan Jesus, Taḣinca mitawa kin wo wicaqu wo, eciya.

Johannes 6:70

Unkan Jesus awicayupte; Akeninonpapi kin miye cicaḣnigapi śni he; tuka wanji wakanśica yaunpi ce, eya.

Olianyanpi kin 1:16

Qa heya; Wicaśta hunkawanjinciyapi, Judas tona Jesus iyaḣpayapi qon en mdetahunka kin he on, ehanna Woniya Wakan, Dawid i kin eciyatanhan, ie ciqon, wowapi en kagapi kin, he ecetuyapi kta hunśte.

Olianyanpi kin 1:2

Tona wicakaḣnige c̣a yewicaśi qon hena Woniya Wakan kin eciyatanhan wahokonwicakiye cin iyohakam, anpetu wan en wankan eyakupi kin hehanyan.

II. Korinth 4:5

Unkiye unkihdaotaninpi śni, tuka Messiya Jesus Itancan kin he unyaotaninpi ece; qa unkiye Jesus on ookiyewicayayapi kin.

Hebrew 4:13

Qa taku kagapi kin takudan iye iśta kin en anaḣbepica śni; tuwe oicazo unqupi kin he iśta kin en taku owasin tancodan qa śdayehnahan yanka.

Wayuotanin 2:23

Qa iye cinca kin wiconṭe on wicawakte kta; qa okodakiciye kin owasin, tuwe wicapakśin wicacante ko iyukcan kin he miye e sdonyapi kta. Qa niyepi kin otoiyohi nioḣanpi kin eciyatanhan cic̣upi kta.