Johannes 13:14 - Dakota Wowapi Wakan Kin

¹⁴ Heon etanhan miś miye Waonspekiya qa Itancan mayaduhapi kin, siha ciciyujajapi kinhan, niś eya otoiyohi siha yeciyujajapi kta iyececa.

Johannes 13:14 ပူးပေါင်းရင်းမြစ်များ

Johannes 11:2

Mary wihdi waśtemna on Itancan kin sdaye c̣a, paha kin on siha kin kipakinta, Lazarus he hunkawanjitku wayazanke cin hee.

Olianyanpi kin 20:35

Hena owasin en waonspeciciyapi, hecen ḣtayanipi, qa tona waśake śni un kin owicayakiyapi kta, qa Jesus Itancan oie qonyeksuyapi kta, Wicaqupi kin hee wowaśte, qa icupi kin hee aoptetu, eye ciqon he.

Roma 12:10

Hunkawanjin kiciyapi waśte kicidakapi kin he on otoiyohi cante en kiciyuza po, qa woyuonihan on otoiyohi iyotan kicidaka po.

Roma 12:16

Otoiyohi okonwanjidan awakicicin po. Taku wankan un kin hena ekta ewacinpi śni po; tuka tona kun ihdawa kin hena en opa po. Wacinksapeic̣idapi śni po.

I. Korinth 12:3

Heon he sdonye ciciyapi; Tuwedan Wakantanka Taniya kin eciyatanhan ie c̣a, Jesus yaśice kte śni; qa nakun tuwedan Jesus e Itancan eciye kta okihi śni, tuka Woniya Wakan ecedan eciyatanhan okihi ece.

I. Korinth 8:13

Heon etanhan woyute kin mihunkawanji waḣtaniye cinhan, ohinniyan tado wate śni waun kta, okinni mihunkawanji waḣtaniwaye kta.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Galatia 5:13

Mihunkawanji, tawaiciyapi kin en nicopi, tuka tawaiciyapi kin he wicaceḣpi iyokipi kta e wowinyunyanpi śni po; tuka wowaśte on otoiyohi okiciciya po.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

I. Timotheos 5:10

Wicoḣan waśte on tanyan oyakapi, cinca icaḣwicakiya, oicimani kin wonwicaya, tona owotanna un siha wicakiyujaja, tona kakijapi kin owicakiya, qa wicoḣan waśte owasin amniheic̣iya en opa hecinhan.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan:

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.