Johannes 13:13 - Dakota Wowapi Wakan Kin

¹³ Waonspekiya qa Itancan, emayakiyapi ece; he tanyan ehapi; he miye nakaeś.

Johannes 13:13 ပူးပေါင်းရင်းမြစ်များ

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Lukas 10:28

Unkan heciya; Tanyan waadupta; hecen econ wo, kinhan yani kta ce.

Lukas 6:46

Unkan tukeca, Itancan, Itancan, emayakiyapi ece, qa taku epe cin ecen ecanonpi śni he.

Lukas 7:43

Simon waayupte c̣a; Tuwe ota kicicajuju hee nace epca ce, eya. Unkan, Tanyan idukcan ce, eciya.

Johannes 11:2

Mary wihdi waśtemna on Itancan kin sdaye c̣a, paha kin on siha kin kipakinta, Lazarus he hunkawanjitku wayazanke cin hee.

Johannes 11:28

Unkan hena hecen eya, hehan hde c̣a, tawinoḣtin Mary anaḣbeyahan kico, qa heciya; Itancan kin den un, qa nico ce.

Johannes 11:3

Unkan tawinoḣtinpi kin, Itancan, wicaśta wan waśteyadake ciqon he wayazanka, eya hośi kaipi.

I. Korinth 12:3

Heon he sdonye ciciyapi; Tuwedan Wakantanka Taniya kin eciyatanhan ie c̣a, Jesus yaśice kte śni; qa nakun tuwedan Jesus e Itancan eciye kta okihi śni, tuka Woniya Wakan ecedan eciyatanhan okihi ece.

I. Korinth 8:6

Tuka unkiye, Taku Wakan wanjidan Ateyapi kin hee unhapi, he etanhan taku owasin u, qa he en unkiye unyakonpi; qa Jesus Messiya Itancan kin wanjidan, he on taku owasin un qa he eciyatanhan unkiyepi.

Ephesos 6:9

Qa tona itancan yaunpi kin, niś eya he iyecen ecawicayeconpi kta, qa wakokipe wicayecagapi kte śni. Maḣpiya kin ekta iś iyepi qa niś niyepi nakun Itancan yakiyapi kin yanke c̣a, he ekta wicaśta itohnake yuonihanpi wanica, he sdonyayapi.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

Jakob 2:19

Taku Wakan kin wanjidan he wicayada; he tanyan ecanon; taku wakan śicapi kin iś eya wicadapi qa cancanpi ece.