Johannes 13:1 - Dakota Wowapi Wakan Kin

¹ Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 13:1 ပူးပေါင်းရင်းမြစ်များ

Mattheos 26:45

Hehan waonspewicakiye cin en wicahdi qa hewicakiya; Wanna niśtinmapi qa ozinic̣iyapi he; iho, wanna iyehantu, qa Wicaśta Cinhintku kin waḣtanipi sa napepi kin en wicaqupi.

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Lukas 22:53

Anpetu iyohi tipi wakan kin ohna opeya ciunpi qon ehan, tuwedan nape kin itkom hiyumayakiyapi śni; tuka dehan nakaha kin he niye nitawapi, qa otpaza wowaśake kin, eya.

Lukas 9:51

Unkan anpetu en wankan eyakupi kte cin wanna kiyedan aya, hehan Jerusalem ekta ye kta e ite kin hdusuta;

Johannes 11:55

Unkan woacakśin Juda oyate wośnapi kagapi wanna ikiyedan aya; unkan wanna kayehan oyate ota Jerusalem en kata iheya aya, woacakśin kin itokam piiciyapi kta.

Johannes 12:23

Unkan Jesus awicayupte c̣a heya; Anpetu wan en Wicaśtra Cinhintku kin yutanpi kte cin wanna hiyohi.

Johannes 13:29

Judas mazaska opiye yuhe cin heon, Jesus wośnapi kta on taku cinpi kin he opeton śi; qa iś, waḣpanicapi kin taku wicaqu śi, apa kecinpi.

Johannes 13:3

Hehan Jesus Atkuku taku owasin tawa kiye ciqon he sdonkiya un, Wakan tanka eciyatanhan hi, qa ake Wakantanka ekta hde kta.

Johannes 13:34

Woahope teca wan cic̣upi, otoiyohi waśteyecidapi kta; waśtecicidapi kin he iyecen waśteyecidapi kta.

Johannes 14:28

Wahde c̣a ake en ciupi kta eciciyapi kin he wanna nayaḣonpi. Waśte mayadapi kinhan iduśkinpi kta; Atewaye cin ekta wahde kta epe cin he; Atewaye cin he iye mikapeya tanka.

Johannes 14:31

Tuka Atewaye cin waśtewakida; qa Ate taka emakiye cin owasin ecen ecamon ece, he oyate kin sdonyapi kta. Najin po, detanhan icunonpa unyanpi kta.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 17:16

Oyate kin de ematanhan śni kin he iyecen iś oyate kin de etanhanpi śni.

Johannes 17:26

Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waśtemayakida qon he dena en un kta, qa miś nakun owicawape kta.

Johannes 17:5

Unkan nakaha, Ate niye kin on miye mahdutan wo, wicoicage wanice cin he itokam wowitan niyeci hduha waun qon heon.

Johannes 18:4

Jesus taku hiyahde kte cin owasin sdonkiya, itkowicakipe ca, Tuwe e oyadepi he, ewicakiya.

Johannes 19:28

Wanna taku kin owasin ecetu Jesus wanyaka, qa wowapi en kagapi qon iyecetu kta e heon, Imapuza ce, eya.

Johannes 2:13

Unkan Juda oyate woacakśin wośnapi tawapi kin wanna ikiyedan; heon Jesus Jerusalem ekta itanwankanhde iyaya.

Johannes 6:4

Unkan woacakśin, Juda oyate wośnapi tawapi wan, he wanna ikiyedan ihan.

Johannes 7:30

Unkan heon ṭinsa yuze wacinpi, tuka nahaḣin iyehantu śni kin heon tuwedan nape on yutanpi śni.

Johannes 7:6

Heon Jesus hewicakiya; Miye anpetu kin hinyanḣin iyemicihantu śni; tuka niye qe anpetu kin ohinniyan wiyeya nioiyankapi.

Johannes 8:20

Tipi wakan kin en mazaska opiye he cin he en, Jesus waonspewicakiya icunhan hena hewicakiya. Heca tuka tuwedan Jesus otan wacinpi śni, anpetu kin nahaḣin kicihi śni heon.

Roma 8:37

Tuka hena taku kin owasin en, tuwe canteunkiyapi qon he eciyatanhan, tanyan ohiye unyakonpi.

I. Korinth 1:8

He owihanketa hehanyan iyanionpepica śni niyusutapi kta, Jesus Messiya Itancan unkiyapi taanpetu kin etu.

Hebrew 3:14

Tokaheya wicaundapi kin he owihanketa sutaya unhapi kinhan, Messiya en ounpapi.

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.

Hebrew 6:11

Unkan niyepi otoiyohi owihanketa, woape woyuśtan kte cin hehanyan iyecen amnihenic̣iyapi kta uncinpi.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Johannes 4:19

Iye tokaheya canteunkiyapi kin heon unkiye Wakantanka waśteundakapi.

Wayuotanin 1:5

Qa Jesus Messiya etanhan, he waayatanin wicaka, wiconṭe etanhan tokaheya tonpi, qa maka wicaśtayatapi kin Itancan kin hee. Tuwe waśte unkidapi, qa waunḣtanipi kin etanhan iye we kin en unyujajapi,