Johannes 11:54 - Dakota Wowapi Wakan Kin

⁵⁴ Heon etanhan Jesus Juda oyate kin wicehna taninyan omani śni, tuka makoce wan ḣewoskan ikiyedan wanke, otonwe wan Ephraim eciyapi kin he ekta ya, qa waonspewicakiye cin om he en un.

Johannes 11:54 ပူးပေါင်းရင်းမြစ်များ

Johannes 10:40

Qa ake hetanhan Jordan wakpa kin he en, Johannes baptem wicaqu ece qon he en i, qa en ounyan.

Johannes 18:20

Jesus ayupte; Oyate kin en taninyan womdaka ece; omniciye tipi etu, qa tipi wakan ko en, Juda oyate mniciyapi ece kin en ohinniyan waonspekiya waun, qa takudan anaḣbeyahan epe śni ce.

Johannes 7:1

Hena iyohakam Jesus Galile en un; Juda oyate ṭe yapi kta akitapi heon Juda makoce en un wacin śni.

Johannes 7:10

Tuka sunkaku iyayapi kin iyohakam hehan, iś wośnapi kte cin ekta ya, taninyan ye śni, tuka naḣmana ya.

Johannes 7:13

Juda oyate kowicakipapi, heon etanhan tuwedan taku ataninyan eye śni.

Johannes 7:4

Tuwe ihdutanin cin kinhan, taku naḣmana econ śni ece. Dena ecanon kta hecinhan, iho oyate kin en ihdutanin wo.