Johannes 11:52 - Dakota Wowapi Wakan Kin

⁵² Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Johannes 11:52 ပူးပေါင်းရင်းမြစ်များ

Lukas 15:8

Qa nakun winoḣinca tuwe kaśpapidan wikcemna yuhe, c̣a wanji togeḣpekiye cinhan, hecen petijanjan ideye, c̣a tipi kin kahinte, c̣a tohan iyekiye śni kin hehanyan okide śni naceca he.

Lukas 2:32

Ojanjan wan oyate kin aojanjanwicaye kte cin, qa nitaoyate Israel wookitanin kin, he hee ce, eya.

Johannes 1:12

Tuka tona iyowinkiyapi kin hena Wakantanka cinca wicaya yakonpi kta e okihi wicaya, tona iye caje wicadapi kin hena.

Johannes 1:29

Anpetu iyokihe hehan Jesus etkiya u kin Johannes wanyake c̣a heya; Tacinca Wakantanka tawa, oyate waḣtanipi kin tokan eḣpeye kte cin he wanyaka po.

Johannes 10:16

Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 12:32

Qa tohan maka kin detanhan wankan emahdepi kinhan, wicaśta kin owasin miye en iwicawacu kta, eya.

Olianyanpi kin 18:10

Miye cicica, qa tuwedan kiuniniye kta e iyaniḣpaye kte śni; otonwe kin de ohna oyate ota wicamduha ce, eya.

Roma 3:29

Juda oyate iśnana Wakantanka tawapi he; qa Ikcewicaśta tawapi śni he. Hiya, nakun Ikcewicaśta tawapi.

Roma 4:17

Wowapi qon iyececa; Ikcewicaśta oyate ota ateniyanpi kta e ecihde ce; Wakantanka wicaṭe cin ake ni wicaye c̣a, taku tona un śni kin hena taku un kin iyecen cajeyata ece kin he wacinyan kin heon etanhan.

Ephesos 1:5

Qa iye en, Jesus Messiya eciyatanhan cinca unyanpi, iye tawacin oiyokipi kin eciyatanhan:

Ephesos 3:11

Wokonze otokahe wanin ehantanhan kage ciqon he eciyatanhan, Jesus Messiya Itancan unkiyapi kin en;

Jakob 1:1

Jakob, Wakantanka taokiye, qa Jesus Messiya Itancan tawa kin he, wicowazi akenonpapi enanakiya eyaye cin hena wowapi wicakicaga; wookiye.

I. Inyan 1:1

Inyan, Jesus Messiya yeśi qon, wicaśta toktokeca enanakiya unpi, Pontus, Galatia, Kappadokia, Asia qa Bithunia ekta,

I. Johannes 2:2

Unkan waunḣtanipi wokajuju kin he iye; qa unkiye unkitawapi kin hecedan śni, tuka maka kin owancaya woaḣtani econpi kin hena.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

I. Johannes 3:10

Detanhan Wakantanka cinca kin sdonwicayapi, qa nakun wakanśica cinca kin; tuwe taku owotanna ece econ śni kin he Wakantanka eciyatanhan śni, qa nakun tuwe hunkawanjitku tanyan cante kiyuze śni kin.

I. Johannes 3:2

Waśtecicidapi kin, wanna Wakantanka cinca kin heuncapi; qa tounkecapi kte cin hinaḣin tanin śni: tuka iye kin ihdutanin kinhan, iyeuncecapi kta e sdonunkiyapi; he token un kin wanunyakapi kta nakaeś.

Wayuotanin 5:9

Qa odowan teca wan ahiyayapi, qa heyapi; Wowapi kin iyacu, qa ipuspe kin duḣdoke kta e iyenihantu ce, waniyuśnapi qa Wakantanka ekta niwe kin on opeunyakitonpi, wicoun otoiyohi etanhan, qa iapi kin, qa wicowazi kin, qa oyate kin otoiyohi etanhan;