Johannes 11:47 - Dakota Wowapi Wakan Kin

⁴⁷ Hehan wośna kagapi Pharisee ko mniciyapi qa, Token econkupi he; wicaśta kin de taku wapetokeca ota econ kin, eyapi.

Johannes 11:47 ပူးပေါင်းရင်းမြစ်များ

Mattheos 26:3

Hehan wośnapi kagapi, wowapi kagapi qa oyate kin en wicaśta tankapi kin hena koya mniciyapi, wośnapi kagapi itancan, Kaiaphas eciyapi, he ti kin en.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Markos 14:1

Anpetu nonpa iyohakam hehan woacakśin qa aguyapi napoḣyapi śni: Unkan wośnapi kagapi wowapi kagapi ko token hnayan yuzapi kta akitapi, ktepi kta e heon.

Lukas 22:2

Unkan wawayuśnapi itancanpi, qa wowapi kagapi kin, hena token econpi, qa ṭeyapi kte cin he akitapi; tuka oyate kin kowicakipapi.

Johannes 11:57

Wośna kagapi tankapi qa Pharisee ko wanna wakiconzapi, tuwe Jesus tukten yanka sdonye cinhan, he oyake kta, hecen yuzapi kta.

Johannes 12:19

Unkan heon etanhan Pharisee kin iyakitedan hekiciyapi; Wanyaka po, takudan oyakihipi śni; iho, wicaśta owasin he ihakam iyayapi.

Johannes 2:11

Galile makoce kin hen, Kana otonwe he en, Jesus toka taku wapetokeca econ, qa towitan hdutanin; unkan hecen waonspewicakiye cin wicadapi.

Johannes 6:2

Unkan oyate ota ihakam yapi, wicaśta wayazanpika en wapetogya oḣanyan wanyakapi qon heon etanhan.

Johannes 7:32

Oyate kin iyakitedan hekiciyapi he Pharisee kin naḣonpi; unkan wośna kagapi Pharisee ko, yuzapi kta e on akicita ekta ye wicaśpi.

Johannes 7:45

Hehan akicita kin, wośna kagapi Pharisee ko ekta icicawin wicakipi; unkan, Tokeca e ayahipi śni he, ewicakiyapi.

Olianyanpi kin 5:21

He naḣonpi unkan hanḣenna ḣin tipi wakan kin timahen yapi, qa wowicakiyakapi. Hehan wośna kagapi itancan, qa tona om un kin hena witaya iheyapi, qa omniciye tanka kin mniciye wicaśi, Israel cinca hunkawicayapi kin owasin koya; unkan wicakaśka tipi kin ekta wicahuweye wicaśipi.

Olianyanpi kin 5:24

Unkan wośna kagapi itancan, qa tipi wakan en itancan kin, wośna kagapi kin hena koya, hena wicoie kin naḣonpi qehan, he toketu kta hecinhan iyukcanpi śni.