Johannes 11:41 - Dakota Wowapi Wakan Kin

⁴¹ Hehan inyan kin tokan iyeyapi; wicaśta ṭa wanke cin etanhan. Unkan Jesus iśta yuwankan ikikcu, qa heya; Ate ciyawaśte, namayaḣon kin heon;

Johannes 11:41 ပူးပေါင်းရင်းမြစ်များ

Mattheos 11:25

Anpetu kin hena en Jesus waayupte c̣a heya; Ate, maḣpiya maka ko Itancan kin, ciyatan, dena taku kin tona ksapapi qa wasdonyapi kin anawicayakiḣbe c̣a hokśiyoqopapi owicayakidaka ece.

Mattheos 11:26

Han, Ate hecetu, hecen iyonicipi nakaeś.

Mattheos 27:60

Qa ohna hnakapi tawa teca, imnija kin en kaḣdoke cin, he en ohnaka; qa inyan wan tanka ohna hnakapi i kin en eonpa, hehan kihda.

Markos 15:46

Unkan he miniḣuha ska waśte opeton, qa tancan kin kun eyaku, qa miniḣuha ska kin iyapemni, qa wicaḣapi oḣdoka wan imnija en kagapi, he en ohnaka, qa inyan tanka wan wicaḣapi oḣdoka i kin en eonpa.

Lukas 10:21

Unkan he ehan Jesus cante mahen iyuśkin, qa heya; Ate, maḣpiya maka ahna on Itancan, niye taku kin dena ksapapi, qa wayupikapi kin hena anawicayakiḣbe, c̣a hokśiyoqopa kin heca sdonyewicayakiye cin, he pidamayakiya ce; han, Ate; niye hecen iyonicipi kin heon etanhan.

Lukas 18:13

Unkan wamnaye cin iś itehanyan inajin, qa iśta ee kaeś wankan maḣpiya kin ekta ikikcu śni; tuka maku kin ohna aic̣ipe, ca heya; Wakantanka onśimakida wo, wawaḣtani sa.

Lukas 24:2

Unkan wicaśta hnakapi kin etanhan inyan kin wanna tokan iyeyapi e wanyakapi:

Johannes 11:22

Tuka detanhan taku Wakantanka yakida kinhan, Wakantanka nic̣u kta e sdonwayace.

Johannes 17:1

Jesus hena hecen eye c̣a hehan iśta yuwankan icu, qa maḣpiya kin ekta etonwan qa, Ate wanna anpetu kin hiyohi, Nicinkśi kin hdutan wo, hecen on Nicinkśi kin nihdutan kta ce.

Johannes 20:1

Anpetu wakan kin en, anpetu tokaheya hanḣanna ḣinca, nahanḣin otpaza, hehan Mary Magdalene hnakapi qon ekta i, qa inyan kin hnakapi etanhan icunonpa iyeyapi e wanyaka.

Olianyanpi kin 7:55

Tuka iye Woniya Wakan kin ojudan maḣpiya ekta opaḣta yanke c̣a, Wakantanka towitan kin, qa Jesus Wakantanka etapa kin eciyatanhan najin e he wan yaka;

Philippi 4:6

Takudan iyokiśinya awacinpi śni po, tuka taku yacinpi kin owasin on, wocekiye, wokidapi qa wopida eyapi ko on Wakantanka oyakidakapi kta.