Johannes 10:6 - Dakota Wowapi Wakan Kin

⁶ Wiyacinpi kin de Jesus ecen ewicakiya; tuka taku owicakiyake cin hena okaḣnigapi śni.

Johannes 10:6 ပူးပေါင်းရင်းမြစ်များ

Mattheos 13:34

Dena taka owasin Jesus wiyacinpi on oyate kin owicakiyaka, qa wiyacinpi codan takudan owicakiyake śni.

Mattheos 13:51

Jesus hewicakiya; Dena owasin oyakaḣnigapi he. Han, Itancan, eciyapi.

Markos 4:34

Qa wiyacinpi codan takudan owicakiyake śni. Unkan iśnana yukanpi, hehan taku owasin waonspewicakiye cin hdaheya owicakiyaka ece.

Johannes 16:25

Hena taku iyacinyan heciciyapi; tuka anpetu wan u kta, hehan wiyacinyan takudan eciciyapi kte śni, tuka taninyan Ateyapi kin on ociciyakapi kta.

Johannes 16:29

Wanna wiyacinyan iyae śni, ataninyan iyaa ce, waonspewicakiye cin eciyapi.

Johannes 6:52

Wicaśta kin de iye ceḣpi etanhan unqupi qa untapi kta heye cin, he token okihi kta e heya he, Juda oyate iyakitedan eya hdokinicapi.

Johannes 6:60

Heon etanhan waonspewicakiye cin ota he naḣonpi qehan, Wicoie kin de teḣika ce, tuwe e naḣon okihi kta he, eyapi.

Johannes 7:36

Omayadepi kta tuka iyemayayapi kte śni, qa tokiya waun in ekta yaupi kta eśta, oyakitpanipi kta ce, eye cin wicoie kin he toketu he eyapi.

Johannes 8:27

Iye Atkuku kin on hena hewicakiye cin he okaḣnigapi śni.

Johannes 8:43

He tokeca e iwae cin eyakaḣnigapi śni he; mioie kin anagoptan wacannipi śni kin heon etanhan.

I. Korinth 2:14

Tuka wicaceḣpi wicaśta kin he Wakantanka Taniya taku tawa kin icu śni, hena taku witkotkoke dake c̣a okaḣniga okihi śni, hena wakanyan iyukcanpi nakaeś.

II. Inyan 2:22

Tuka wiyacinpi eyapi wicakapi kin he iyecen waakipapi; Sunka taku hiyuye cin he ake hduta ce; qa, Kukuśe yujajapi qon he ake upśija en iwanka ce.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.