Johannes 10:4 - Dakota Wowapi Wakan Kin

⁴ Unkan taḣinca tawa kin tankan awicau eca, wicitokam ya ece; unkan taḣinca kin iś ihakam yapi ece, ho kin iyekiyapi nakaeś.

Johannes 10:4 ပူးပေါင်းရင်းမြစ်များ

Mattheos 16:24

Hehan Jesus waonspewicakiye cin hewicakiya; Tuwe miyahna u kta cin kinhan, waipiic̣ida kta, qa cansusbeca ehdaku qa mihakam un kta.

Johannes 10:16

Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 10:3

Qa iye tiyopa awanyake cin tiyopa kiciyugan ece, unkan taḣinca kin he ho kin naḣonpi ece; taḣinca tawa kin otoiyohi cajeyan wicakico, qa tankan wicahdoya ece.

Johannes 10:5

Qa tuwe tokeca kinhan he ihakam yapi kte śni, tuka nakicipapi kta; tuwe tokeca ho kin iyekiyapi śni, heon etanhan.

Johannes 10:8

Tona mitokam hipi kin hena owasin waboticapi qa wamanonpi kin hecapi; tuka taḣinca kin anawicagoptanpi śni.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Johannes 13:15

Waonspeoiciyapi kin he niś he iyecen ecanonpi kta e hecaciconpi.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 3:29

Tuwe tawicu ton kin he hihna yanpi kin hee, tuka hihna yanpi takodaku kin en taninyan anagoptan najin, qa hihna yanpi ho kin naḣon kin heon iyuśkin ece. Heon etanhan wowiyuśkin mitawa kin wanna yuecetupi ce.

I. Korinth 11:1

Miye omicipa po, Mea iya opeya waun kin iyececa.

Ephesos 5:1

Heon hokśiyopa cantekiyapi kin iyecen Wakantanka opa po.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 6:20

Heciya Jesus kahin tokam ye cin unkiyepi on timahen iyaya, he Melkizedek ouncage kin iyecen Wawayuśna Itancan kin heca kagapi.

I. Inyan 2:21

Unkan he on nicopi; Messiya unkiyepi on kakije c̣a woonspe aiḣpeunkiyapi kin he iyecen niś eya iye owe kin en opa dapi kta.

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan:

I. Inyan 5:3

Wakantanka taku tawa ḣince cin en itancanpi kin iyenicecapi kte śni, tuka optaye kin en waonspekiya yaunpi kta.