Johannes 10:20 - Dakota Wowapi Wakan Kin

²⁰ De taku wakan śica yuha, qa he ihnaśkinyan, tokeca e nayaḣonpi he, wicota eyapi.

Johannes 10:20 ပူးပေါင်းရင်းမြစ်များ

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 11:18

Johannes wote śni qa wayatke śni hi; unkan, Taku wakan śica yuha ce, eyapi.

Mattheos 9:34

Tuka Pharisee kin heyapi; Wakanśica itancan kin on taku wakan śica napewicaya ece.

Markos 3:21

Unkan iye iakuwicaye cin he naḣonpi qehan, yuzapi kta e ekta iyayapi; qa, Wanna wacinhnuni ce, eyapi.

Johannes 7:20

Oyate kin ayuptapi qa heyapi; Wakan śica niyuhnaśkinyan; tuwe e ṭeniyan akita he.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Olianyanpi kin 26:24

Hena hecen eya, unkan Phestos hotankakiya ie c̣a, Palos niyuhnaśkinyan, wowapi ota onspenic̣iciye cin he wicayuhnaśkinyan en iyeniyan ce, eya.