Johannes 10:18 - Dakota Wowapi Wakan Kin

¹⁸ Tuwedan he maki kte śni; qa miye cinka he wicawaqu; he amduśtan kte cin owakihi, qa ewehdaku kte cin nakun owakihi; Ate hecen econ maśi ce, eya.

Johannes 10:18 ပူးပေါင်းရင်းမြစ်များ

Johannes 10:11

Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

Johannes 10:15

Ate token sdonmakiye cin he iyecen miś Ate sdonwakiya; qa taḣinca kin hena on wiconi mitawa kin eḣpewakiya.

Johannes 10:17

Wiconi mitawa eḣpewakiye c̣a, ake ewehdaku kte cin heon Ate waśte makidaka.

Johannes 14:31

Tuka Atewaye cin waśtewakida; qa Ate taka emakiye cin owasin ecen ecamon ece, he oyate kin sdonyapi kta. Najin po, detanhan icunonpa unyanpi kta.

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Johannes 19:11

Hehan Jesus ayupte; Wankan tanhan taku kin de nic̣upi śni unkanś takudan on omayakihi kte śni tuka; heon tuwe niye en amahi kin he iye woaḣtani tanka.

Johannes 5:26

Ateyapi kin iye cinka wiconi hduha, he etanhan Cinhintku kin iś iye cinka wiconi hduhe kta e qu.

Johannes 5:30

Miye cinka taku ecamon owakitpani; taku mdaco kin hena taku nawaḣon kin heoiya tanhan; qa taku mdaco kin hena hecetu. Miye mitawacin he owakide śni, tuwe u maśi kin he tawacin owade.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Olianyanpi kin 2:24

Hee Wakantanka ekicetu ye c̣a, wiconṭe icaśke kin kiyuśka, en yuhapi kta okihipica śni nakaeś.

Olianyanpi kin 2:32

Jesus iye qe Wakantanka ekicetuye cin he unkiyepi owasin unyaotaninpi ece.

Olianyanpi kin 3:15

Qa Wiconi Itancan kin he yaktepi; he qe Wakantanka wicaṭe cin etanhan najinkiye cin unkiye unkoyakapi ece.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 2:9

Tuka Jesus wiconṭe kakijapi kin on, maḣpiya ohnihde kin kitanna ihukuya kagapi kin he wowitan, woyuonihan ko wateśdag kiton kin he wanunyakapi, hecen iye, Wakantanka towaonśida kin eciyatanhan, wicaśta kin owasin on wiconṭe sdonye kta.