Johannes 10:16 - Dakota Wowapi Wakan Kin

¹⁶ Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 10:16 ပူးပေါင်းရင်းမြစ်များ

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Lukas 15:8

Qa nakun winoḣinca tuwe kaśpapidan wikcemna yuhe, c̣a wanji togeḣpekiye cinhan, hecen petijanjan ideye, c̣a tipi kin kahinte, c̣a tohan iyekiye śni kin hehanyan okide śni naceca he.

Johannes 10:11

Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

Johannes 10:2

Tuka tuwe e tiyopa eciyatanhan tin iyaye cin nee taḣinca tawa wicaye cin ee.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 10:3

Qa iye tiyopa awanyake cin tiyopa kiciyugan ece, unkan taḣinca kin he ho kin naḣonpi ece; taḣinca tawa kin otoiyohi cajeyan wicakico, qa tankan wicahdoya ece.

Johannes 10:4

Unkan taḣinca tawa kin tankan awicau eca, wicitokam ya ece; unkan taḣinca kin iś ihakam yapi ece, ho kin iyekiyapi nakaeś.

Johannes 10:5

Qa tuwe tokeca kinhan he ihakam yapi kte śni, tuka nakicipapi kta; tuwe tokeca ho kin iyekiyapi śni, heon etanhan.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Johannes 17:20

Qa denana on wocekiye ewicaweciye śni, nakun tona wicoie oyakapi eciyatanhan wicamadapi kin hena keya.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Olianyanpi kin 15:14

Otokahe ekta token Wakantanka Ikcewicaśta kin etanhan oyate wanji, iye caje kin on, iwicacu kta e ekta wicai qon he Simon oyaka.

Olianyanpi kin 18:10

Miye cicica, qa tuwedan kiuniniye kta e iyaniḣpaye kte śni; otonwe kin de ohna oyate ota wicamduha ce, eya.

Olianyanpi kin 22:14

Hehan iye heya; Hunkake wicunyanpi Wakantanka tawapi kin nicaḣniga, iye tawacin kin sdonyaye kta, qa Wanji Owotanna kin wandake c̣a, he i kin eciyatanhan ho kin nayaḣon kta;

Roma 11:25

Mihunkawanji, wowiyukcan kin de sdonye śni dukaupi kta wacin śni, okinni ksape nic̣idapi kta; Israel oyate kin apa iśta gonge aya, Ikcewicaśta kin ocowasin en hiyu kte cin hehanyan.

II. Thessalonike 2:13

Tuka mihunkawanji, Itancan waśtenidakapi kin, niyepi on unkiye ohinniyan Wakantanka wopida unkekiciyapi kta, otokaheya tanhan Woniya wicayuecedan, qa wowicake wicadapi kin on, Wakantanka yanipi kta e on nicaḣnigapi kin heon etanhan.

Hebrew 13:20

Unkan, Wookiye Wakantanka kin, Jesus Itancan unkiyapi, taḣinca awanwicahdake tana kin he, wiconṭe etanhan ake hiyuye ciqon he wicotakuye owihanke wanica we kin eciyatanhan,

I. Inyan 2:10

Ehanna oyate henicapi śni, tuka nakaha Wakantanka taoyate yaunpi; he ehan onśinidapi śni, tuka wanna wowaonśida iyoyahipi.

I. Inyan 2:25

Taḣin wanunyanpi nunipi kin iyenicecapi; tuka wanna tuwe wonniyanpi qa nagi awanniyakapi kin he ekta yahdipi.

I. Inyan 5:4

Hecen Waawanhdake Itancan kin tohan ihdutanin kinhan, hehan wowitan wateśdake wan śnije kte śni kin he iyacupi kta.

Wayuotanin 3:20

Ito, tiyopa kin en nawajin qa wakabubu ece; tuwe miho kin naḣon, qa tiyopa hduḣdoke cinhan, he ekta tin hibu, qa kici wawate kta, qa iś eya mici wote kta.