Johannes 10:14 - Dakota Wowapi Wakan Kin

¹⁴ Waawanhdake waśte kin he miye, qa taḣinca mitawa kin hena sdonwicawakiya, qa mitawa kin iś nakun sdonmakiyapi ece.

Johannes 10:14 ပူးပေါင်းရင်းမြစ်များ

Johannes 10:11

Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

Johannes 10:13

Odotapi un kin he wodetapi un, qa taḣinca kin ihawicakta śni, heon etanhan napa ece.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 17:8

Nioie mayaqu qon he wanna wicawaqu; unkan ieupi, qa niye eciyatanhan wahi kin he tanyan sdonyapi, qa niye e umayaśi kin he wicadapi.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Ephesos 1:17

Jesus Messiya Itancan unkiyapi Wakantanka tawa, qa wowitan Ateyapi kin hee woksape wowiyukcan ko oniya kin nic̣upi kta, he iye sdonyayapi kta e heon:

Ephesos 3:19

Qa Messiya towaśte okaḣnihpica śni kin he sdonyayapi kte, hecen Wakantanka toojudan kin ocowasin ojuniyanpi kte.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

II. Timotheos 1:12

Qa he etanhan hena taku on iyotanhan iyewakiya; tuka imaśtece śni. Tuwe wacinwakiye cin he sdonwakiye c̣a, taku ehnake waśi kin hena anpetu wan u kte cin hehanyan miciyuha okihi sdonwaya.

II. Timotheos 2:19

Hececa eśta, Wakantanka ahehde tawa kin sutaya he c̣a ipuspe kin de en un; Itancan kin tona tawa wicaye cin hena sdonwicakiya. Qa nakun, Tuwa Messiya caje kin hoyekiye cinhan, he woaḣtani ayuśtan kta ce.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

Wayuotanin 2:13

Nioḣan kin sdonwaya, qa tukten Satan oiyotanke tawa yanke cin hen yati; qa micaje in yuha yaun, qa wacinmayanpi kin aduśtan śni, anpetu kin Antipas waayatanin wicaka mitawa kin niyepi kin en, tukten Satan ti kin, hen ktepi qon he ehan.

Wayuotanin 2:19

Nioḣan kin sdonwaya, wacanyakiye, c̣a ḣtayani, qa wicayada, qa ayape, qa nioḣan kin, qa ehake kin hena tokaheya kin sam iyeya ota.

Wayuotanin 2:2

Nioḣan, qa nitoḣtani, qa wacinnitanka kin he sdonwaya; qa tona śicapi kin hena iyowinwicakiya oyakihi śni; qa tona yewicaśipi kin hecapi keic̣iyapi kin hena wicadukcan qa itonpiśni kin heca iyewicayaya.

Wayuotanin 2:9

Nioḣan kin sdonwaya, wokakije wowaḣpanica ko nitawa kin, (tuka winijica;) qa tona Juda wicaśta keic̣iyapi qa hecapi śni, tuka Satan omniciye tawa kin etanhanpi, hena waaiapi kin nakun sdonwaya.

Wayuotanin 3:1

Unkan Sardis ekta okodakiciye ohnihde yuhapi kin he ecen wowapi kicaga wo; Tuwe Wakantanka Taniya śakowin kin hena, qa wicanḣpi śakowin hduhe cin he hecen eya; Nioḣan kin sdonwaya, caje wan duha, yani kin hee, tuka niṭa.

Wayuotanin 3:15

Nioḣan kin sdonwaya, sni qa ipiga unmana ecen yaun śni, sni qa ipiga unma tukte e ecen yaun kta wacin;

Wayuotanin 3:8

Nioḣan kin sdonwaya, tiyopa wan yuḣdokapi ecen he cin he nitokam ewahde, qa tuwedan ecen iyeya okihi śni; wowaśake cistinna duhe c̣a mioie kin yuha yaun, qa micaje kin eḣpemayaye śni.