Johannes 10:11 - Dakota Wowapi Wakan Kin

¹¹ Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

Johannes 10:11 ပူးပေါင်းရင်းမြစ်များ

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Johannes 10:2

Tuka tuwe e tiyopa eciyatanhan tin iyaye cin nee taḣinca tawa wicaye cin ee.

Johannes 15:13

Tuwe takuwicaye cin on wiconi eḣpekiye cinhan, he wowaśte kin tuwedan kapeye śni.

Ephesos 5:2

Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Hebrew 13:20

Unkan, Wookiye Wakantanka kin, Jesus Itancan unkiyapi, taḣinca awanwicahdake tana kin he, wiconṭe etanhan ake hiyuye ciqon he wicotakuye owihanke wanica we kin eciyatanhan,

I. Inyan 5:4

Hecen Waawanhdake Itancan kin tohan ihdutanin kinhan, hehan wowitan wateśdake wan śnije kte śni kin he iyacupi kta.

I. Johannes 3:16

Deciyatanhan wacantkiyapi kin sdonunyanpi; iye kin unkiyepi on wiconi eḣpekiye cin heon; hecen unkiś eya hunkawanjinkiciyapi kin on wiconi eḣpeunkiyapi kta iyececa.

Wayuotanin 7:17

Tuka Amnos kin, oiyotanke cokaya un kin he, hena wonwicaye c̣a, miniḣdoka ni un kin icahda yus awicaye kta: qa hena iśtapi kin etanhan Wakantanka iśtamnihanpe kin owasin wicakipakinte kta.