Johannes 10:10 - Dakota Wowapi Wakan Kin

¹⁰ Wabotice cin he wamanonpi, tin wicaktepi, waihangyapi henakiya on hi ece; tuka wiconi yuhapi kta, qa takudan icakije śni unpi kta e heon miye wahi.

Johannes 10:10 ပူးပေါင်းရင်းမြစ်များ

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:11

Wicaśta Cinhintku kin taku atakuniśni qon he niye kta on hi.

Mattheos 20:28

He iyececa, Wicaśta Cinhintku wowidake wicayuhe kta on hi śni, tuka idakapi kta, qa wiconi tawa wokajuju kta wicota on wicaqu kta heon hi.

Mattheos 21:13

Qa hewicakiya; Tipi mitawa kin he wocekiye tipi eciyapi kta, eya wowapi en kagapi; tuka niye wamanon tipi yakagapi.

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Markos 11:17

Unkan wowicakiyake c̣a hewicakiya; Wati kin ne oyate owasin on wocekiye tipi eciyapi kta ce, eya wowapi en kagapi śni he; tuka niye wamanon sa otipi kin yakagapi ce.

Lukas 19:10

Wicaśta Cinhintku kin taku atakuni śni qon he akite c̣a niye kta e heon hi ce, eya.

Johannes 10:1

Wowicake, wowicake eciyatanhan heciciyapi; Tuwe taḣinca tipi tiyopa ohna tin iyaye śni, tiyopa icunonpa tanhan ti iyoḣpaye cin he wabotice c̣a wamanon kin heca.

Johannes 10:11

Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

Johannes 12:47

Qa tuwe mioie kin naḣon, qa wicada śni eśta mdaco śni; wicaśta wicayacopi kin heon wahi śni, tuka waniyapi kin hee on wahi.

Johannes 12:6

He wamanon heca, qa mazaska opiye yuhe c̣a, ohna mazaska omnayan, heon hecen eya; wowaḣpaninca kin incantowicahnake cin heon heye śni.

Johannes 3:17

Wakantanka Cinhintku kin wicoicage kin en u śi kin, heon oyate kin wicayaco kta e hecon śni; tuka iye on oyate kin nipi kta e hecon.

Johannes 5:40

Tuka owihanke wanin wiconi duhapi kta e on miye en mayaupi yacinpi śni.

Johannes 6:33

Aguyapi Wakantanka tawa kin he tuwe maḣpiya eciyatanhan kuntkiya u, qa oyate wiconi wicaqu kin hee.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

Roma 2:21

Heon etanhan wicaśta tokeca onspeyakiye cin niś niye onspenic̣iciye śni he. Wamanonpi kte śni keya odake cin, niś niye wamayanon he.

I. Timotheos 1:15

Wicoie kin de wacinyepica, qa owancaya icupi kta iyececa, Jesus Messiya waḣtanipi sa niwicaye kta e on makata hi; hena en miye imayotan.

Hebrew 6:17

He en, Wakantanka, tona taku iwahoyapi qon tawapi kte cin hena en, iye tawacin yuhohopica śni kin he iyotan sdonye wicakiye kta cin, qa heon wokonze on hdusuta.

Hebrew 7:25

Qa hecen tona iye eciyatanhan Wakantanka en upi kin hena owasin niwicaye kta okihi, hena wocekiye ewicakiciye kta e ohinniyan ni un kin heon.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.